Kundin Binciken Neman Digirin Farko (B.A Hausa) Wanda Aka Gabatar A Sashen Harsuna Da Al’adu, Jami’ar Tarayya Gusau.
Kwalliyar
Matan Garin Gusau (6)
NA
ƊAYYABA
MUSTAPHA IBRAHIM
BABI NA BIYAR
5.0 GABATARWA
A wannan babi
na biyar za a kammala wannan aiki inda za a duba shawarwari da kammalawa tare
da saamakon binciken da kuma manazarta.
5.1
SHAWARWARI
Shawarwarin
da zan ba ma ‘yan uwana ɗalibai masu tasowa da malamai na ita
ce:
- A ko da
yaushe idan za a bama ɗalibi mai bincike aiki ya kamata a duba cikin
al’adunmu waɗanda ba a yi
rubutu a kan su ba gudun sakan kan cewar wasu al’adu.
- Sannan kuma
ina bama Malamai na shawara akan idan mai bincike ya binciko aiki yana da kyau
su duba aikin da kyau dan ganin aikin ya tafi yadda ake so.
- Haka kuma
ina bama Malamai na shawara kan; idan mai bincike ya binciko wani abu na
al’adun mu na gado waɗanda suka fara ɓacewa a rinƙa
bugasu a cikin littafai saboda yara masu tasowa.
- Shawara da
zan ba ma yan uwa na ɗalibai, ita ce ako da yaushe zaka yi bincike
yana da kyau ka yi bincike yadda ya kamata, domin ƙaruwarka da
ta yan uwanka ɗalibai masu
tasowa.
- Sannan kuma
ɗalibai ‘yan
uwana kudena kwafe aikin wani mai bincike, idan kunyi haka kunzama marasa
kishin kanku da al’adunku.
5.2 KAMMALAWA
A cikin
wannan aiki mai suna “Kwalliyar Matan Garin Gusau”, an duba abubuwa kamar haka.
Babi na ɗaya an duba
dalilin gudanar da bincike da muhallin bincike da manufar bincike da
muhimmancin bincike da matsalolin bincike sai kammalawa.
A babi na
biyu kuma an duba bitar ayyukan da suka gabata, sannan gabatarwa, kundayen
bincike na ɗaya har zuwa
na uku sai littafai da maƙalu, jaridu
sai kammalawa.
Sai babi na
uku inda aka duba samuwar kwalliya da ma’anar kwalliya da nau’oin kwalliya da
amfanin kwalliya da kuma kammalawa.
Sai babi na
huɗu inda nan ne
gundarin aikin, an duba gabatarwa, kwalliyar matan Gusau, kwalliyar mata ƙanana,
kwalliyar ‘yan mata, kwalliyar zawarawa, kwalliyar matan aure sai kammalawa.
Sai kuma babi
na biyar inda a nan ne aka kammala wannan aiki, an duba gabatarwa da
shawarwari, da kammalawa, tare da sakamakon bincike sai manazarta. Waɗannan sune
abubuwa da aka duba a cikin wannan aiki mai taken “Kwalliyar Matan Garin
Gusau:.
Wannan
bincike ya samu sakamako masu muhimmanci da amfani gare ni da kuma waɗanda zasu
duba wannan kundin bincike wato ɗalibai masu tasowa, sakamakon sun haɗa da:
-
Sakamakon wannan bincike aka samo tarihin
samuwar kwalliya ta mata
-
Sakamakon wannan bincike an gano wasu
kwalliyar tsaga na gargajiya da mata suke yi domin kwalliyar su ta yau da gobe
-
Sakamakon wannan bincike an gano wasu tufafi
na mata na gargajiya waɗanda uwaye da kakanni suke amfani da su
kamar. Bakurɗe, saƙi,
tsamiya, bante, ɗanbarasoso,
bunu, kuɗu, wajen
kwalliyar su ta yau da kullum.
-
Sakamakon wannan bincike aka gano wasu riguna
na gargajiya da ake amfani da su wajen kwalliyar yau da kullum.
-
Haka kuma sakamakon wannan bincike an gano
kwalliyar mayafi da kallabi kamar su mayafin shata da kallabin soro, da taguma
wajen kwalliya.
-
Sakamakon wannan bincike aka gano takalmi na
gargajiya kamar balka, sambatsi da bindin shirwa.
-
Sakamakon wannan bincike an gano kayan
kwalliya na mata na gargajiya kamar kayan kwalliya na hanci da na wuya, irin su
sarƙa da kayan kwalliya na hannu kamar agogo da
warwaro wajen kwalliyar su ta yau da kullum.
-
Sakamakon wannan bincike an gano kitson
gargajiya irin su kitson Kwando, kabarin karuwa da sauransu.
-
Sakamakon wannan bincike an gano ire-iren
kwalliyar da mata suke yi wa hannunsu na gargajiya kamar dayis da kuma
lalle
-
Sakamakon wannan bincike an gano kwalliyar
fuska ta shafe-shafe na gargajiya waɗanda suke amfani da su wajen kwalliyar
fuska kamar Hure, Katambin, Fankeke, Kwalli, gazal.
-
Sakamakon wannan bincike an gano wasu tufafin
zamani bayan na gargajiya irin su shadda, Leshi, Atamfa, da sauransu na
kwalliya.
-
Sakamakon wannan bincike an gano canjin
riguna na zamani bayan na gargajiya kamar; rigar sitela. Amburela wajen
kwalliyar su.
-
Sakamakon wannan bincike an gano wasu kitso
na zamani da aka samu bayan na gargajiya kamar zane da wibin da kitson gana
wibin da tuwistin wajen kwalliyar gashin kai.
-
Sakamakon wannan bincike an gano bayan kitso yanzu
ana zuwa salon domin gyaran gashi inda ake amfani da shamfo, diraya da
sitireca, domin kwalliyar gashin kai.
-
Sakamakon wannan bincike an gano sababbin
kayan shafe-shafen da a ake amfani da su wajen kwalliya irin su hodar
foundation da hoda da gazal da eye shadow da kwansila da jan baki da mascara
domin kwalliyar fuska.
-
Sakamakon wannan bincike an gano bambanci
tsakanin kwaliyar mata ƙanana da ta ‘yan mata
da zawarawa da matan aure.
Waɗannan sune
sakamakon binciken kwalliyar matan garin Gusau
MANAZARTA
Aliyu, S. (1983). Dukanci a
Birnin Kano a Matsayinsa na Ɗaya cikin Sana’o’in Hausawa na Gargajiya
Kundin Digiri na Ɗaya, Kano. Jami’ar Bayero.
Augie, A. (1983) Tsagen Fuska da
Muhimmancinsa ga Mutanen Jihar Sakkwato. Kundin Digiri na Ɗaya,
Sakkwato, Jami’ar Usmanu Ɗanfodiyo.
Ɓatagarawa S.A. (2014). Neman Wasu Au’du a
kan Sana’o’in Gargajiya na Hausawa Mazauna Lakoja a Cikin Taɓarɓarewar Al’adun Hausawa Zaria, Kundi na Biyu,
Jami’ar Ahmadu Bello.
CNHN. (2006) Ƙamusun
Hausa Zaria, Jami’ar Ahmadu Bello
Kado M. (1986). Saƙa
Sana’ar Sarrafa Auduga a Ƙasar Hausa Tasirinta da
Muhimmancinta ga Al’ummar
Hausawa, Kundin Digiri na Ɗaya Kano: Jami’ar Bayero.
Madabo M.H (1979). “Ciniki da
Sana’o’in Ƙasar
Hausa” Ikeja Lagos. Thomas Nelson Nigeria Limited.
Mam, A. (1966). “Zuwan Turawa
Nigeria ta Arewa” Zaria NNPC.
Mashi, A.A (2000). “Zama da Maɗaukin Kanwa”: Tasirin
Zamananci kan Rayuwar Hausawa, Kundin Digiri na Biyu Kano. Jami’ar Bayero
Musa B.A (1981). Sana’ar Kura a
Birnin Kano Kundin Digiri na Ɗaya,Jami’ar Bayero
Musa, U. (1983). Wanzanci a Ƙasar Hausa, Kundin Digiri na Ɗaya
Kano; Jami’ar Bayero. 74
Nadabo S. da Yola M (1989).
Kwalliya da Adon Hausawa, Kundin Digiri na ɗaya,
Sokoto; Jami’ar Usmanu Ɗanfodiyo.
Sulaiman (1990), Tsagar Gargajiya
a Ƙasar
Kano, Nazarin Ire-iren Tsaga da Muhimmancinta tare da Matsayinta ga Al’ummar
Hausawa Kundin Digiri na Biyu, Kano Jami’ar
Bayero.
Sallau B.A. (2000). Wanzanci:
Matsayinsa na Al’ada da Sana’ar a Ƙasar Hausa: Kundin Digiri na Uku. Kano
Sashen Koyar da Harsunan Nijeriya. Jami’ar Bayero.
Sanda F.U. (2004). Sana’ar Kitso
a Ƙasar
Hausa Kundin Digiri na Ɗaya. Kano, Jami’ar Bayero.
Yakasai M.G. (1992) Tufafin
Hausawa, Kundin Digiri na Ɗaya, Sokoto, Jami’ar Usmanu Ɗanfodiyo.
Yola M.M (2014) “Nason Baƙin
Al’adu a kan Kwalliyar Al’adan Hausawa Kundin Digiri na Ɗaya, Jami’ar Ahmadu
Bello, Zariya.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.