𝐓𝐀𝐌𝐁𝐀𝐘𝐀❓
Assalamu alaikum wa rahamatullah.
Da fatan malam ya tashi lafiya Allah ya kara wa malam lafiya da nisan kwana. Allah
ya sa agama da duniya lafiya Allah yasaka da alkhairi da taimakon mu da kakeyi.
Malam inada tambaya kamar haka. Nine Allah ya jarrabeni da yin istimna'i abun ya dameni sai na daina tsawon lokaci sai wani photo na banza da na gani sai sha'awata ta motsa har sai naje na aikata wannan aikin.
Gaskiya na dade ina yi kuma gashi
ina azumi lokaci lokaci domin in daina amma na gagara don dai yanzu ma na daina
duk abin da zai jawo min yin facebook ne ko opera ko Instagram dadai sauran
chatting duk na gogesu awayata kuma bana yi sai naga photon banza ko shigar
banza don yanzu na karfafa niyyata a kan ba zan sakeba.
Ataimakeni da addu'a nadaina Allah
ya shiryeni Allah ya sa nagaji fili Allah ya horemin halin yin aure nagode.
Amma fa babu wanda yasan ina yin
wannan abun sai Allah sai malam da nake tambaya.
A taimakeni da addu' a Allah ya ba ni damar
yin aure kar na mutu a kan wannan mummunar hanya ta istimna'i. nagode malam
daga dalibinka
𝐀𝐌𝐒𝐀❗️
Wa alaikumus salam wa rahmatullahi
wa barakatuhu.
Hakika dukkanmu masu kuskure ne,
sai dai mafiya alkhairi a cikinmu sune masu tuba daga kusakurai tare da neman
gafarar Allah da afuwarsa bisa abin da suka gabatar na kusakurai.
Naji dadi sosai bisa bayanin da
kayi game da kyakkyawar niyyarka ta yin cikakkiyar tuba daga wannan babban
kuskure, kuma ina yi maka fatan Allah shi karbi tubanka da namu baki daya, ya
sanyamu cikin waɗanda yake shafe dukkan zunubansu, yake juyar da munanan
ayyukansu su zama ayyuakan lada, kuma ya keɓancesu da falalarsa Maɗaukakiya.
Irin wannan tuban tana da wasu
sharudan da ya kamata ka tabbatar ka kiyayesu kamar haka:
1. Yin nadama bisa abin da ka
aikata abaya.
2. Daukar niyyar ba zaka sake
aikatawa ba, har abada.
3. Guje wa duk wani dalili ko
hanyar da za ta kaika zuwa ga sake tsunduma cikin irin wannan laifin.
Ina nufin kamar kauracewa shiga
websites na batsa, ko groups ba batsa a facebook ko whatsapp, da sauransu.
Sannan kayi kokari kayi aure domin
taimaka wa zuciyarka wajen kiyaye umurnin Allah da Manzonsa ﷺ ta wajen runtse
idanuwanka daga kallon matan da ba su halatta gareka ba, da kuma kiyaye
al'aurarka daga dukkan nau'o'in saɓon Allah. Har dukkan gabobin jikinka ma.
Sannan ka lazimci yawan zikirin
Allah da karatun Alƙur'ani da azkar safe da yamma da zama da mutanen kirki, da
yawaita nafilfilin dare da rana tare da yawaita yin addu'a bisa kanka da
iyayenka da 'yan uwanka da dukkan Musulmai baki daya.
WALLAHU A'ALAM.
Ga Masu Buƙatar Shiga Wannan Group
Zaku iya bi ta Links ɗin mu...
𝐖𝐇𝐀𝐓𝐒𝐀𝐏𝐏👇
https://chat.whatsapp.com/FBuwMyVjc2sGOEGLm0W7ed
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayoyiDaAmsoshi
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.