𝐓𝐀𝐌𝐁𝐀𝐘𝐀❓
Shin Wanda Ya Ɗauki
Azumin Sittu Shawwal Sai ya Karya shi,
Shin Zai Rama Wannan Azumin Bayan Ya Kammala Sittu Shawwal Ɗin, Sai
ya Zama Ya Azumci Kwana Bakwai Kenan?
𝐀𝐌𝐒𝐀❗️
Malamai Sun yi
Saɓani a kan wanda ya Ɗauki
Azumin nafila Shin dole ne sai ya kaishi ko ba tilas ba ne?
Wasu Sukace:
Ba tilas ba ne kai Azumin nafila, kamar yanda yake a mazhabar Shafi'iyyah da
Hanabila Sun kafa Hujja da Hadisin Aisha Allah yaƙara mata yarda wanda yazo a cikin Muslim
(1154) da hadisin Abu juhaifa wanda Bukhari ya ruwaito (1968) da Hadisin Abu
sa'idul khudry Wanda Dharul ƙudny yaruwaito (24) Alhafiz ibnu hajar ya
kyautatashi a cikin fat-hul baary (4/210).
Wanda dukkansu
suna Nuna Annabi Sallallahu Alaihi wasallam yawayi gari yana azumin nafila,
amma daya Samu Abunci sai ya karya azumin.
Haka Sahabi
Abuldar-da'a yawayi gari yana azumin nafila sai Ɗan'uwansa salman Ya haɗa masa Abunci yaci, yakarya
azumin kamar yanda yazo a cikin hadisin Abu juhaifa.
Wasu Malaman
sukace: Wajibine kai Azumin nafila, idan kuma mutum yakarya wajibine ya
ramashi, wannan shi ne yazo amazhabar Abu hanifa sunkafa hujja da: Hadisin
Aisha Allah yaƙara mata yarda wanda Abu dauda ya ruwaito (2457) da Turmuzy
(735), sai dai hadisine mai rauni Nawawi ya raunatashi a cikin Al-Maj-Mu'u
(6/396) da Ibnul Ƙayyeem a cikin zhadul Ma'adi (2/84) da Albani.
Wanda ya nuna
Aisha da Hafsa sun wayi gari Suna azumin nafila sai aka kawo musu abunci da
sukayi sha'awarsa sai suka karya azumin, da Suka baiwa Annabi Sallallahu Alaihi
wasallam labari sai ya ce: Su rama wani amadadinsa.
Sai dai hadisine
Mai rauni bai ingantaba.
Maganar farko ita
ce mai ƙarfin
dalili hadisan da suka kafa hujja dasu sun inganta..
Babu laifi
idan kadauki azumin Sittu shawwal saika karyashi bazaka ramashi ba, domin mai
azumin nafila shi ne sarkin kansa.
WALLAHU
A'ALAM.
Ga Masu Buƙatar
Shiga Wannan Group Zaku iya bi ta Links ɗin
mu...
𝐖𝐇𝐀𝐓𝐒𝐀𝐏𝐏👇
https://chat.whatsapp.com/FBuwMyVjc2sGOEGLm0W7ed
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayoyiDaAmsoshi
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.