Hukuncin Zuwa Wurin Mai Duba

𝐓𝐀𝐌𝐁𝐀𝐘𝐀❓

Assalamu alaikum, malam Allah ya kara basira, malam ya halatta mutum in zai yi aure a je a duba wa mutum matar da zai aura ita ce abokiyar arzikinsa kafin ya aureta, hakan ya halatta, in kuma bai halatta ba to malam ya hukuncin yin auren da wannan manufar?

𝐀𝐌𝐒𝐀❗️

Wa'alaikumus Salám. Bai halasta mutum ya je wurin kowa domin a duba masa komai na abinda ba wanda ya sani sai Allah ba, yin hakan shirka ne da Allah, saboda ba wanda ya san cewa mata kaza in an aure ta hakan zai zama sanadin arziki, ko ba zai zama ba sai Allah. Duk wanda ya yi da'awar ya sani ƙarya yake yi, saboda ba wanda ya san abin da ke ɓoye sai Allah, Allah shi ke azurta bawa, kuma shi ke jarabtarsa da akasin haka, hikimar haka ita ce domin ya jarabci wanda aka azurta da wanda ba a azurta ɗin ba. Don haka duk wanda zai yi aure ya dogara da Allah kawai, ya bar wa Allah zaɓinsa in Allah ya so Allah zai zaɓa masa na gari.

Allah S.W.T ne mafi sani.

Jamilu Ibrahim Sarki, Zaria.

Zauren Tambaya Da Amsa Abisa Alkur'ani Da Sunnah. Ga Masu Buƙatar Shiga Wannan Group Zaku iya bi ta Links ɗin mu...

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

𝐓𝐄𝐋𝐄𝐆𝐑𝐀𝐌👇

https://t.me/TambayoyiDaAmsoshi

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.