MAFITAR MATA
02
Mafi Yawan
Matan '‘Yan Wuta Ne
Dalili Na 3
Rashin Yin
Sallah Akan Lokacin Ta
Manzon ALLAH
{s.a.w} Ya ce: Kada ku hana mata zuwa masallatai, amma ɗakunansu su sukafi
alkhairi a garesu.
Wannan hadisi yana nuni da halaccin zuwan mata
masallaci, amma kuma suyi sallah a cikin ɗakunansu su kaɗai yafi falala agurin
ALLAH sama da suje masallaci.
To amma da yawa basa kiyaye yinta akan
lokacinta a cikin gidajan nasu, sunaji ana kiran sallah amma baza su tashi suyi
sallah akan lokacinta ba.
Yinta akan lokacinta wajibi ne, wulaƙantata da
ƙinyinta akan lokacinta yana daga cikin manyan zunubai.
ALLAH TA'ALAH ya ce: Mene ne ya shigar daku
wutar saƙar?
Sai su kace: Bamu kasance daga masu yin sallah
ba, bamu kasance muna ciyar da miskinai ba,
Mun kasance muna ƙaryata ranar sakamako, har
mutuwa ta zo mana.
[ Muddasir
Ayata: 42-47]
ALLAH TA'ALAH ya ce: Sai wasu jama'u suka maye
bayansu, suka tozartar da sallah, suka biyewa sha'awe-sha'awe da sannu za su haɗu
da azabar Gayyu.
[ Maryam
Ayata: 59].
ALLAH TA'ALAH ya ce: Azabar Wailu ta tabbata
ga masu yin sallah waɗanda sune masu rafkanuwa ga barin yin sallarsu.
[Ma'un
Ayata: 4]
Manzon ALLAH {s.a.w} Ya ce: Abinda ke tsakanin
bawa da shirka shi ne barin sallah.
[Muslim da
Tirmizi].
Manzon ALLAH {s.a.w} Ya ce: Duk wanda yabar
sallah da ganganci, to alƙawarin ALLAH ya kuɓuta daga gareshi.
Umar bin kattaɓ (R.A) Ya ce: Babu rabo a
musulunci ga duk wanda yake wulaƙanta sallah.
Ibrahim Al-Nakfiy (R.A) Ya ce: Duk wanda yabar
sallah to ya kafirta.
Ga ayoyi da hadisai nan barkatai da suke
bayani akan hukuncin mai wasa da sallah, wanda baya yinta akan lokacinta.
Mata kuji tsoron ALLAH bakwason yin sallah
akan lokacinta, kuna zaune kuna kallon TV bazaku tashi kuyi sallah ba.
Amare da ƙawayen amarya kuji tsoron ALLAH
saboda anyi muku kwalliya a fuska sai kuƙi yin sallah akan lokacinta, wai
saboda kada kwalliyarki ta goge, to da wutar jahannama za a ƙone wannan fuskar
da kikaƙi wanketa ki bautawa wanda ya halicceki akan lokaci.
Annabi {s.a.w} ya ce: Duk wanda yaji an kira
sallah kuma yaƙi zuwa yayita akan lokacinta, alhali lafiyarsa ƙalau babu wata larura,
to ko ya yi ALLAH bayaso.
Don haka rashin kiyaye sallah akan lokacinta
yana ɗaya daga cikin abinda yake jefe mutum cikin jahannama.
ALLAH ka
bamu ikon aiki da abinda muka karanta.
ALLAH ka
gafarta mana zunubanmu baki ɗayanmu Ameen.
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.