Shin Wanda Ya Yi Sallah Babu Alwala Kafiri Ne?

𝐓𝐀𝐌𝐁𝐀𝐘𝐀❓

Assalamu Alaikum ɗan'uwa kuma malamina ga tambaya na ji wata fatawa wacce ba ni da ilimi a kanta, wai idan mutun ya yi sallah babu Alwala wai hukuncinsa sai ya sake kalmar shahada ta shiga musulunci, mene ne ingancin wannan maganar? Allah ya taimaka Amiin.

𝐀𝐌𝐒𝐀❗️

Wa alaikum Assalam To malam wannan maganar ta shahara a wajan mutane, saidai a wajan malamai yin sallah babu alwala ya kasu kashi biyu:

1. Idan ya aikata, amma bai halatta hakan ba, ya san ba daidai ba ne, kamar ya aikata saboda kasala, wannan kam bai kafirta ba, saidai ya aikata babban zunubi.

2. idan ya aikata yana mai halatta hakan, ko kuma saboda izgilanci ga addini, sannan ba jahili ba ne, ba shi kuma da wani ta'awili, tabbas wannan aikin kafirci ne, har ma malamai da yawa sun hakaito ijma'i akan kafircin wanda ya yi hakan, saboda akwai karyata shari'a a ciki, da kuma wula kantata

Allah ne mafi sani

Duba: Almajmu'u na Nawawi 2\84 da Minhajussunah 5\204.

DR. JAMILU YUSUF ZAREWA

Ga Masu Buƙatar Shiga Wannan Group Zaku iya bi ta Links ɗin mu...

𝐖𝐇𝐀𝐓𝐒𝐀𝐏𝐏👇

https://chat.whatsapp.com/IerSx3AH0ZSJyHIuIYfƙds

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

𝐓𝐄𝐋𝐄𝐆𝐑𝐀𝐌👇

https://t.me/TambayoyiDaAmsoshi

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.