Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
Assalamualaikum malam, Dan Allah ga wata tambaya
ataimaka Mana da amsar ta, wata aminiyata ce take so a taimaka mata, ita dai ta
kasance mijin ta yana da Hali sosai kuma kullum Yana Mata duk laluranta wadanda
Allah ya daura mishi a kanshi, to Amma ba ya daukan kuɗi haka kawai ya ba ta, to
shi ne ita kuma sai ta yi ma mijin karya cewa wasu masu neman taimako sun zo da
lalura sun ce Dan Allah ya taimaka musu, to idan ya bayar se ta rike, ko kuma
idan masu neman taimakon na gaskiya suka zo in ta fada mishi in ya ba ta se ta
cire wani Abu a ciki ta ba su sauran, shi ne ta keso taji wannan kuɗin da ta ke ci, mene ne
matsayinta?
𝐀𝐌𝐒𝐀👇
Wa’alaikumus Salam, In ta yi haka ta ci haramun, ta
kuma yi Algus, Annabi ﷺ yana cewa “Wanda ya yi Algus ba ya cikinmu” kamar
yadda Muslim ya rawaito.
Allah da Manzonsa ﷺ ba su wajabtawa miji ya
bawa matarsa kuɗin kashewa ba, abin da aka wajabta masa shi ne Ciyar
da ita da Shayar da ita, yi mata Sutura, da yi mata duk abin da rayuwarta ba za
ta tafi ba sai da shi gwargwadon halinsa, kamar yadda ayar suratu Addalak da
hadisai ingantattu suka tabbatar.
Ba da extra kuɗi ba wajibi ba ne, tare da
cewa kyautatawa iyali abu ne mai kyau, Annabi ﷺ yana cewa “Mafi alkairinku
shi ne wanda ya fi kyautatawa iyalansa”, wannan sai yake nuna cewa: Mijin da
yake bada kuɗin kashewa ya fi wanda ba ya bayarwa.
Babu bukatar ta bi ta hanyar Algus, idan ta lallabi
mijinta, ta yi masa biyayya, za ta same shi a hannunta.
Allah ne mafi sani.
Ku Kasance Damu Cikin Wannan Group Domin Ilimantarwa
Tare Da Faɗakarwa a Sunnah.
𝐓𝐄𝐋𝐄𝐆𝐑𝐀𝐌👇
https://t.me/TambayoyiDaAmsoshi
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐖𝐇𝐀𝐓𝐒𝐀𝐏𝐏👇
https://chat.whatsapp.com/J1hm5Tw12uYBƙfaiPwf28l
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.