JININ HAIHUWA (JININ BIKI)
Jinin Biki wani jini ne da yake fitowa a lokacin
haihuwa, wasu daga cikin maluman musulunci su kace:
Wani jini ne da
mahaifa take turo shi a lokacin haihuwa, ko kafin haihuwa da kwana biyu ko uku,
ko bayan ta tareda naƙuda.
ƘARANCIN KWANAKIN SA DA
TSAWON KWANAKIN SA
Ƙarancinsa bashi da kwanaki
takamammu, kawai duk lokacin da mace taga alamar tsarki wato bushewar gaba ko
farin ruwa, ko da kafin kwana arba‘in ne,to za ta yi wanka taci gaba da yin
sauran ibadu.
Tsahonsa kuwa baya wuce kwana arba‘in, domin kiwa duk
wacce jinin haihuwarta ya cika kwana arba‘in bai tsaya ba, za ta yi wanka ta
cigaba da yin sauran ibadun ta, saboda tsawon kwanakinsa shi ne kwana arba‘in,
kamar yadda ya zo a nassin hadisin Manzon ALLAH {s.a.w}.
HUKUNCE-HUKUNCEN SA
Hukunce-hukuncen jinin haihuwa kamar jinin haila ne,
cikin abubuwan da yake halattawa ko
haramtawa ban da abubuwa masu zuwa:
Na farko: Idda:
Ba a lissafa shi a cikin idda idan an saki mace, amma ana
irga na haila.
Abin nufi idan
aka saki mace ko mijinta ya rasu lokacin da take da ciki, iddar ta tana ƙarewa ne da haihuwa, bawai da jinin haihuwar ba.
Amma idan aka
sake ta bayan ta haihu, to za ta jira dawowar jinin haila ne sannan ta yi jini
uku.
Na biyu: Balaga:
Jinin haila alama ne na mace ta balaga saɓanin jinin haihuwa.
Na uku: Saki:
Haramun ne mutum ya saki matarsa a lokacin da take yin jinin haila saɓanin jinin haihuwa.
TAMBAYOYI DA AMSOSHIN SU
TAMBAYA:
Meye hukuncin wacce jinin haihuwarta ya É—auke sannan ya dawo a cikin kwana arba‘in?
AMSA:
MatuÆ™ar a cikin kwanaki arba‘in É—in data haihu ne jinin haihuwa ne, hukuncin ta É—aya da mai jinin haihuwa.
TAMBAYA:
Idan mace ta haihu shin za ta iya fita daga gidan ta kafin ta yi tsarki daga jinin haihuwa saboda wata buƙata?
AMSA:
Babu laifi, matuƙar buƙatace za ta fitar da ita, amma idan ba haka ba zamanta a gidanta shi yafimata.
TAMBAYA:
Idan mace mai ciki taga jini dafda haihuwar ta shin za ta bar yin sallah da azumi saboda wannan jinin?
AMSA:
Idan taganshi tareda jin ciwon naƙuda, to jinin haihuwa ne, ba za ta yi sallah da azumi ba, amma idan jinin ne kawai babu ciwon naƙuda a tare dashi, to za ta yi sallar ta da sauran ibadu, saboda jinin cuta ne.
TAMBAYA:
Meye hukuncin wacce ta haihu ta hanyar tiyata, shin za ta yi wankan tsarki?
AMSA:
Idan taga jini ya fito daga mafitar sa, to hukuncin ta hukuncin mai jinin haihuwa ne, ba za ta yi sallah ba har sai ta yi tsarki, idan kuma ba ta ga jini ba, to za ta yi wanka ta cigaba da sauran ibadun ta.
TAMBAYA:
Meye hukuncin wacce ta haihu ba tare da jinin haihuwa ya fito ba?
AMSA:
Za ta yi wanka ta cigaba da dukkanin ibadun ta, basai ta jira ta yi har kwana arba'in ba.
TAMBAYA:
Shin mace za ta iya aure a lokacin da take jinin haihuwa?
AMSA:
Za ta iya, amma baya halatta mijin ya sadu da ita, sai bayan ta yi tsarki.
ALLAH shi ne mafi sani.
Duk mai neman ƙarin bayani ya yi mana
magana ta private.
**************************************
Wannan É—aya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waÉ—anda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta Æ™arin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.