Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
𝐓𝐀𝐌𝐁𝐀𝐘𝐀❓
Assalamu alaikum warahmatullahi wabarakatuh
Allah shi gafatta malam barka da safiya, malam Ina
tambaya, Na kasance idan zan shiga banɗaki Ina shiga da wayata, Ina
yin charting a kan turomin sakon addu'a kamar haka "Ina maka fatan
alkhairi" ko kuma " Allah ya karɓi addu'armu" ni kuma
sai na amsa kamar hak " Allahumma ameem ya hayyu ya ƙayyum" Kuma a cikin banɗaki, to shin malam ya
matsayin wannan abun yake? Na gode Allah ya saka da alkhairi
𝐀𝐌𝐒𝐀👇
Wa Alaikumus salam Warahmatullahi Wabarakatuhu
Godiya ta tabbata ga Allah. Ɗan uwa Mafi rinjayen malamai sun tafi a kan cewa makruhi ne a
shiga banɗaki da duk wani abu da aka ambaci/rubuta sunan Allah a
cikinsa, sai dai idan da larura, kamar tsabar da aka rubuta sunan Allah a
kansa.
Malamai da dama
sun bayyana cewa idan sunan ya ɓoye, to babu laifi a cikin
haka.
Ibn Ƙudamah (rahimahullah) yana cewa: Idan mutum yana son shiga
bayan gida yana da wani abu da aka ambaci sunan Allah a cikinsa, to mustahabbi
ne ya ajiye shi a gefe... idan ya kiyaye abin da aka ambaci Allah ɗin a cikinsa kuma tare da
shi ya kiyaye kar ya fado, ko kuma ya juya dutsen zoben zuwa cikin tafin
hannunsa, babu laifi a kan haka.
Ahmad ya ce:
Idan zobe yana da sunan Allah a kansa sai mutum ya juya zuwa cikin tafin
hannunsa, ya shiga bandaki (wannan halal ne).
Ikrimah ya ce:
Ya juyar da ita kamar haka zuwa cikin tafin hannunsa, ya nannade hannunsa. Wannan
kuma shi ne mahangar Ishaƙ, kuma irin wannan rangwame
da Ibn al-Musayib da al-Hasan da Ibn Sireen suka yi.
Ahmad ya ce
dangane da wani mutum da ya shiga banɗaki ɗauke da tsabar kudi: Ina
fatan babu laifi a ciki.
Ƙarshen magana daga littafin
al-Mughni, 1/109.
Haka an tambayi Shaikh Ibn Usaimin (rahimahullah)
cewa: mene ne hukuncin shiga dakin wanka da takarda wacce da sunan Allah a
kansu? Sai ya karɓa masa da cewa: Ya halatta a shiga dakin wanka da takardu
wanda da sunan Allah a cikinsu, matukar suna cikin aljihu, ba a fili suke ba,
sai dai a ɓoye a rufe.
Ƙarshen magana daga Fataawa al-Tahaarah, shafi na 109
A kan haka babu
laifi ka shiga banɗaki da wayar hannu wacce akwai rubutun Sunan Allah a ciki,
ko saƙonni irin wanda ka ce, ko sunan Allah a kan screen ɗin ɗauke da kalmar “Allahu
akbar”, matukar ka sanya ta cikin aljihunka, ta yadda ba za ta fito a fili ba.
Kuma shi kan sa chart ɗin a banɗaki ya saɓa da ladabtarwar da
musulunci ya yi na shiga banɗaki, so ake da ka shiga ka
yi maza ka gama buƙatarka ka fito, ba zama
charting tare da Shaiɗanu ba.
Kuma Allah ne
Mafi sani.
Ku Kasance Damu Cikin Wannan Group Domin Ilimantarwa
Tare Da Faɗakarwa a Sunnah.
𝐓𝐄𝐋𝐄𝐆𝐑𝐀𝐌👇
https://t.me/TambayoyiDaAmsoshi
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐖𝐇𝐀𝐓𝐒𝐀𝐏𝐏👇
https://chat.whatsapp.com/EPG7wVPlgxRFR4R9CdR8xY
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.