Hukuncin Yin Jima'i A Gaban Ƙananan Yara

𝐓𝐀𝐌𝐁𝐀𝐘𝐀❓

Assalamu alaikum malam,ina da tambaya mene ne illar kwana da miji da yara a daki ɗaya, abin nufi a nan shi ne har mata da miji su raya sunna a cikin dakin da yaran, Amma bayan yaran sun yi bacci? Allah ya karawa malam basira.

𝐀𝐌𝐒𝐀👇

Wa alaikumus salam wa rahmatullahi wa barakatuhu.

Abu na farko dai haramun ne bayyanar da tsaraici a gaban yara ko da kuwa Ƙanana ne, mutukar dai yaron ya fahimci bambanci mutumin da ke tsirara da wanda ke cikin sutura.

Sannan an yi hani ga ma'aurata su sadu awajen da wani zai iya jin sautinsu ko kallon motsawarsu ko da kuwa sun lullube jikinsu.

Idan yaron yana da wayon da zai fahimci abin da ake yi, to haramun ne yin hakan a gabansa ko da kuwa barci yake yi. Domin akwai yiwuwar farkawarsa alokacin da iyayen nasa ke cikin yin abin da suke yi, kuma zai yiwu yaje yana zantar da abin da idonsa ya gani, ko amakaranta ko awajen abokan wasansa.

Duk da cewa wasu daga cikin Maluman Malikiyyah sun dauki abun bisa karhanci, kamar Shaikh Aliyyul adawiy a cikin Hashiyarsa wacce ya yi wa littafin Iziyyah, ya ce makruhi ne mutum ya sadu da matarsa alhali akwai wani a cikin dakin, ko da Ƙaramin yaro ne ko babba. To amma wasu maluman sun ce karhancin ya tsaya ne kan idan yaron Ƙarami ne wanda ba zai iya fahimtar komai game da abin da ake yi ba, kuma idan barci yake yi ba' a farke ba.

 

Abin da ya fi shi ne ma'aurata idan za su sadu su keɓance kansu a wani dakin da babu kowa sai su. Amma idan akwai larurar rashin isashen muhalli, watakila suna kwana daki ɗaya tare da yaransu Ƙanana waɗanda basuyi hankali ba, to wajibi ne su sanya wani labulen da zai suturcesu daga idon yaran, sannan su kashe fitilar dakin, kuma su kiya yi bayyanar da sautin da zai iya farkar da yaran da ke barci.

Saboda wannan ne Allah Madaukakin Sarki ya umurci muminai su hana yaransu Ƙanana shigowa garesu alokutan da aka kebancewa da iyali, har sai an ba su izini.

Allah ya ce: "YAKU WAƊANDA SUKA BADA GASKIYA! BAYINKU WAƊANDA DAMSHINKU YA MALLAKA, DA KUMA (YARANKU ƘANANA) WADANDA BASU BALAGA BA, SU NEMI IZININKU (KAFIN SU SHIGO INDA KUKE) ALOKUTA UKU:

1. KAFIN SALLAR ALFIJIR (WATO KAFIN ASUBAH ke nan).

2. DA LOKACIN DA KUKE TUBE TUFAFINKU SABODA ZAFI (DA TSAKAR RANA ke nan).

3. DA KUMA BAYAN SALLAR ISHA'I."

Wajibi ne Ma'aurata su dora 'ya'yansu a kan tarbiyyah ta musamman game da neman izinin shigowa cikin dakin da iyayensu ke zaune, ko da kuwa yaran basu balaga ba.

Haka nan wajen saduwa wajibi ne akiya yi yin tsirara a gaban yara, ko saduwa a gabansu ko da kuwa barci suke yi, sai dai idan Ƙanana ne sosai wadanda basu wuce shekara ɗaya ko biyu ba, wasu maluman sun ce za a iya saduwa a gabansu ko da ba barcin suke yi ba.

WALLAHU A'ALAM.

Ku Kasance Da mu Cikin Wannan Group Domin Ilimantarwa Tare Da Faɗakarwa a Sunnah.

𝐓𝐄𝐋𝐄𝐆𝐑𝐀𝐌👇

https://t.me/TambayoyiDaAmsoshi

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

𝐖𝐇𝐀𝐓𝐒𝐀𝐏𝐏👇

https://chat.whatsapp.com/GEahmrOpR4pA5TmW0ZW0cU

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.