Daga Abdullahi Ɗan Mas'ud (RA) Ya ce; Manzon ALLAH (ﷺ) Ya ce “Duk wanda yake son ya so ALLAH da Manzonsa to ya karanta Alƙur'ani yana mai kallon mus'hafi (Shafukan Alƙur'ani).” [Silsilatus sahiha: 2342]
Wannan hadisi ya bayyana mana cewar wanda yake karanta Alƙur'ani tare da kallonsa zai kasance cikin waɗanda ALLAH da Manzonsa suke so, akwai fa'idah sosai acikin karanta Alƙur'anin tare da kallon shafukansa domin yana raya jikin ɗan'adam ta hanyar samun cikakkiyar lafiya da kuma nutsuwa da kwanciyar hankali.
Sheikhul Islam Ibnu Taimiyyah (Rahimahullah) Ya ce “Ni
banga wani abu wanda yake ciyar da hankali da ruhi, yake kiyaye jiki, yake kuma tattare da dacewa a
Duniya da Lahira ba, sama da yawaita dawwamar da kallon Littafin ALLAH.” [Majmu’ul fatawa: 7/493]
Hakanan Ibnu Mas'ud (RA) Ya ce: “ku yawaita kallon
mus'hafi (shafukan Alƙur'ani).” [Almusannaf Li Ibn
Abi-shaibah: 2/499]
Haƙiƙa shi Alƙur'ani albarka ne, albarkarsa
yana kewaye wanda yake karanta shi da wajen da ake karanta shi, kallon shi lada
ne, sauraron shi lada ne, tadubburin sa lada ne. Ko wanne harafi nashi yana ɗauke da lada goma.
Imam An-nawawy (Rahimahullah) Ya ce: “Karatun
Alkur'ani da kallo shi ya fi falala akan karanta shi da ka (a haddace), domin
kallon mus'hafi (shafi) ɗin shima ibada ne da ake son
mutum ya aikata, don haka karantawa da kallo zai zama ibada ne guda biyu a haɗe (ibadar kallo da ibadar
karatun).” [Attibyaan Fi Aadabu Hamalatil Qur'an: 55]
Telegram
https://t.me/BINTUSSUNNAH
Facebook
http://www.Facebook.com//Bintusunnah/
YouTube
https://youtube.com/channel/UCG_W7_7gQdibxDgvhQdIEyQ
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.