Wasalamu alaikum ɗan uwa,
Farin baƙo mai sallama.
Batun nan naka na jinjina,
Haƙiƙa ka so lalama.
Ka yi batun ko daki-daki,
Salon koyarwar maluma.
Ka yi bayani na gani,
Ga hujja nan ka gama (added).
Lallai a ɗaukar illimi,
Natsuwa na ɗore a can sama.
Da zarar babu akwai wuya,
Ƙwaƙwalwa na yin gardama.
A saka a saka ta zubar shi duk,
Cikinta karatu bai zama.
Idan da natso ko ta kama duk,
Abin da ake hada haɗɗama.
Zama fa a Sakkwato kwai wuya,
Ko ba don zafi ba ma.
Balle a yanzu da azzumi,
Ga kuwa rana na tsima.
Burinta a sau ta ta babbako,
Ta sako zafi daga can sama.
Na ga waɗansu sukan tafi,
Kwalkwalawa su kwanta ƙorama.
Sai ku kwatanta 'yan uwa,
Zafin ga da me ne yai kama?
Ni dai mabiyi ne ɗalibi,
Komai aka ban zan kinkima.
Komai aka ce mini sai in yi,
Ko yau na ɗau harrama.
Idan in taho ne sai in zo,
Mu sha harbinta mu sha zuma.
Da ma mun san da akwai wuya,
Samun ilimi sai an himma.
Amm in ga hanya biyu,
Garanti duk ba tantama.
To wuf zan yi in laɓaɓa,
In bi mai sauƙi mara riggima.
Ku ba mu sanarwa don mu ji,
Mu san decision in an gama.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.