𝐓𝐀𝐌𝐁𝐀𝐘𝐀❓
Assalamu Alaikum Yar'uwata ce take fama da ciwon iska, toh kuma matsalar tana bata wahala sosai an bata maganin turaren hayaƙi, toh yaya azumin ta yake saboda idan ta yi turaren har cikin makoshin ta take jin hayaƙin kuma idan batayi hayaƙin ba, tana fama da jiki sosai.
𝐀𝐌𝐒𝐀❗️
ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﺔ ﺍﻟﻠﻪ.
ﺍﻟﺤﻤﺪ ﻟﻠﻪ ﺭﺏ ﺍﻟﻌﺎﻟﻤﻴﻦ ، ﻭﺻﻠﻰ ﺍﻟﻠﻪ ﻋﻠﻰ ﺳﻴﺪﻧﺎ ﻣﺤﻤﺪ ﻭﻋﻠﻰ ﺁﻟﻪ ﻭﺻﺤﺒﻪ ﺃﺟﻤﻌﻴﻦ، ﻭﺑﺎﻟﻠﻪ ﺍﻟﺘﻮﻓﻴﻖ ،
Babu laifi ga mai azumi ya shanshani kamshi mai kyau, na abinci ko turare
ko wani abun, sai dai kada mutum ya shaki hayaƙin bukuur, ko hayakin da yake taimakawa wajan dafa
abunci, domin hayakin bukuur yana da wani sina dari na asali wanda yana iya
wucewa zuwa uwar hanji.
Ya zo a cikin (Haasiyatul dasuki, 1/525) cewa: Duk lokacin da hayaƙin bukuur ko na tukunya ya wucewa mutum wajibi ne ya rama
azumin, idan ta hanyar shakarsa ya wuce masa, shi mai dafa abuncin ne ya shaka
da kansa ko waninsa ne ya shaka, amma idan ɗaya
daga cikinsu yawucewa mutum zuwa makogwaro batare da zaɓin
sa ba ko son ransa ba, babu ramuwa a kan wanda yake dafa abincin ko wanin sa.
An tambayi Shaykh bin Baaz rahimahullah: shin ya halatta amfani da turaren ita
ce ko na feshi ko Bukuur?
Sai ya Amsa da cewa: "Na'am ya halatta da sharadin kada mutum ya shaƙi hayaƙin.
(Fataawa bin Baaz, 15/ 267).
An tambayi Shaykh Ibn Uthaimin Rahimahullah: Mene ne hukuncin amfani da
kamshin turare da rana a cikin watan ramada?
sai ya amsa da cewa: "Babu laifi amfani da su da rana a watan ramadan
kuma babu laifi ya shaƙa
sai dai hayakin Bukuur kada ya shaƙa,
domin yana da wani sina dari da yake wucewa zuwa uwar hanji shi ne hayakin.
(Fatawa Ramadan, 499).
Ya zo a cikin Fataawah Al-Lajnatul da'imah, 10/271. cewa "Duk wanda ya
sa turare kowanne irin nau'i naturare da rana a watan ramadan alhali yana
azumi, azumin sa bai lalace ba, sai dai kada ya shaƙi hayaƙin
Bukuur ko turare mai kamshi kamar kamshin Almiski".
Saboda haka azumin ta nanan babu abunda ya sameshi domin bada zaɓin
ta yake wucewa ba kuma abisa lalura take yinsa, musamman idan babu damar ta yi turaren
da asuba lokacin sahur ya yi mata tasiri, amma idan tayishi lokacin sahur kuma
yanai mata amfani wannan shi ne ya fi kuma ya fi kubuta daga kokwanto.
Zai lalata mata azumi ne kaɗai idan shaƙa takeyi da kanta, amma idan kawai tanasa maganin a kan garwashi
hayaƙin ya bugi jikinta
sai take jin sa a makoshin ta wannan babu laifi kuma bada zaɓin
ta take yin hakan ba.
لا يكلف الله نفسا إلا وسعها.
Allah baya dorawa rai sai abunda za ta iya.
والله أعلم،
Ku Kasance Damu Cikin Wannan Group Domin Ilimantarwa Tare Da Fadakarwa a
Sunnah.
𝐖𝐇𝐀𝐓𝐒𝐀𝐏𝐏👇
https://chat.whatsapp.com/I3vXUPymspzLawMCwJ44H2
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayoyiDaAmsoshi
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.