Ma’anar li’itikafi shi ne lazimtar Masallaci da zama a cikinsa da niyyar neman kusanci da ALLAH TA'ALAH.
HUKUNCINSA
Shi li’itikafi sunna ce mai ƙarfi, kuma
a goman ƙarshe na watan Ramadan ake yin sa, Amma yinsa a wani
watan mustahabbi ne.
Manzon ALLAH {s.a.w} ya kasance yana yin li’itikafi a
kowane watan Ramadan kwana goma, amma da shekarar da zaiyi wafati tazo, sai
yayi kwana ashirin.
[Bukhari ne ya rawaito]
FALALARSA
Shi li’itikafi ibada ne mai girma wanda yake tsarkake zuciya
ga barin shagala da duniya kuma yana sa mutum ya dukufa wajen neman lada da
kyakkyawar makoma.
SHIGARSA
Ana son shiga li’itikafi kafin faɗuwar ranar da za'a
fara.
AYYUKANSA
Ana son mai li’itikafi ya shagala da yin ibada kamar
nafilfili, karatun Alƙur’ani, tasbihi da
hailala, zikiri, istigfari, salatin Annabi {s.a.w} da sauran ayyukan bin ALLAH.
Amma banda karatun
jarida, ko karatun wani littafi wanda ba Alƙur'ani ba,
domin malamai sunce ko littafin hadisi bazaka karanta ba, a gurin sai dai idan
wani malami ne yake darasi kama cikin masallacin.
Sannan dole a
nisanci amfani da wayar hannu inba dole ba, kuma ba'a fita ko ima sai iya
harabar masallaci.
ALLAH shi ne mafi sani.
ALLAH ka bamu ikon aiki da abinda muka karanta.
ALLAH ka gafarta mana zunubanmu baki ɗayanmu Ameen.
Duk mai neman ƙarin bayani ya tuntuɓemu ta private.
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
Allah ya saka muku da alkhairi
ReplyDelete