Shin Wajibi Ne A Kan Mai Kula Da Maraya Ya Fitar Masa Da Zakkar Fidda-Kai?

 𝐓𝐀𝐌𝐁𝐀𝐘𝐀❓

Shin Wajibi Ne A Kan Mai Kula Da Maraya Ya Fitar Masa Da Zakkar Fidda-Kai?

𝐀𝐌𝐒𝐀❗️

Idan maraya yanada dukiya kamar ta gado ko wata sadaka da akayi masa za a fitar da zakkar fidda kansa daka cikintane, zakkar fidda kai tazama dole a cikin dukiyarsa.

Imamun Nawawi rahimahullah ya ce: Amma marayan dayake da dukiya to zakkar fidda-kai tazama wajibi a cikin dukiyarsa awajanmu, a kan wannan jamhur din malamai suka tafi, daka cikinsu akwai malik, da Auza'i da Abu hanifa, da Abu yusuf, da ibnu munzir. Almajmu'u (6/109)

Amma idan bashi da dukiya, kaine kake ɗaukar ɗawainiyarsa, bai zama wajibi a kan ka fitar masa da zakkah ba, domin zakkar fidda-kai tana wajaba a kan wanda ciyar dashi yake wajibi akanka, amma wanda ciyarwarsa bawajibi bace a kan mutum, rashin wajabcin ciyarwar dake kanka ya barrantar da mutum, bai wajaba a kan mutum fitar masa da zakkah ba.

Ibnu ƙudama ya ce: Wannan magana ita ce maganar mafiya yawan malaman mazhabar mu, saboda fadin Annabi sallallahu Alaihi wasallam (kubayar dazakkar fidda-kai ga wanda kuke ciyarwa) Abul kidab yazabi wannan magana ya ce: zakkar fiddakansa bata wajaba akansa ba, ita ce maganar mafi yawan maluma, kuma ita ce ingantacciya insha'allahu. Almugni (2/362).

Hadisin dake cewa (kubayar da zakkar wanda kuke ciyarwa) mai raunine mafi yawan malamai sun raunanashi, Nawawi ya ce: isnadinsa mai raunine, baihaƙi ya ce: isnadinsa bashi dakarfi, kuma baihaƙi ya ruwaitoshi ta hanyar ja'afar bin muhammad daka babansa daka Annabi sallallahu Alaihi wasallam shi ma dai mursali ne, Abunda yake akwai wannan kalma ta wanda kuke ciyarwa bata tabbata ba, Almaj mu'u (6/68).

Idan ma munyarda da tabbatuwarsa ciyarwar da'ake nufi a cikin hadisin ita ce wacce take wajiba.

WALLAHU A'ALAM.

Ga Masu Buƙatar Shiga Wannan Group Zaku iya bi ta Links ɗin mu...

𝐖𝐇𝐀𝐓𝐒𝐀𝐏𝐏👇

https://chat.whatsapp.com/Cnf26Ƙ8MPƙz9yUYU1nxƙRƙ

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

𝐓𝐄𝐋𝐄𝐆𝐑𝐀𝐌👇

https://t.me/TambayoyiDaAmsoshi

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.