Um uhum wannan duniya rayuwa ba bargwon rufa,
Wohoho wannan duniya rayuwa ba bargwon rufa.
Rabbana Allah Rahimi rayuwa ba bargwon rufa,
Rabbana Allah Rahimi rayuwa ba bargwon rufa.
Rabbana mu bayinka ne,
Ka fa yi mu a don bautarka ne,
Mui sallah azumi domin ka ne,
Mun kaÉ—aita da bauta gun ka ne,
Rayuwa duk na gun Ka ne.
Ya Allah komai ƙudurarka ne,
Samu da rashi duk naka ne,
Rayuwar kowa na gun Ka ne,
Talakawa duk bayinka ne,
Mahukunta ma bayinka ne.
Nau a kan mulki duka baiÉ—aya,
Gurguzu har da mulukiya,
Kafitaliss DemokaraÉ—iya,
Hard a mulkin soja mazan jiya,
Ku biyo ni da tsinkaya.
Ko a zangon mulkin mallaka ilimi talakawa babu shi,
Lafiya jarin tallaka masu mulki na bautar da shi,
Yanzu kuma ƙarya ake ilimi hallau babu shi.
Rayuwa wannan ta isa masu mulki tabarman ƙashi,
Da fa kukan ‘yanci muke yanzu ma ‘yancin babu shi,
DemokraÉ—iya za a yi gurguzu anka haÉ—o da shi,
DemokraÉ—iya za mu yi har mulukiya a ciki da shi,
DemokraÉ—iya munka so mu yi mulkin soja da shi,
Mun aje mulkin mallaka gara kama karya da shi,
Ga Afrika yanki na mu ne koma baya mu aka san da shi,
Rabbana Sarki Rahimi magani Kai ke adda shi,
Ka sani mu bayinka ne ka cire tabarmun ƙashi,
Ba dabara mu bayinka ne gincire mana tabarmun ƙashi.
Wasu Shari’a za su yi a DemokraÉ—iya kuwa,
Sai fa ingausa za a yi ko kuma in ce yekuwa,
Sai badan-badama suke ta yi tarnaƙi ya gaza sintuwa,
Sai bugun taiki anka yi jakuna na yin sukkuwa,
Kwansutushin wai ita za ta ba da izini ai shari’a kuwa,
Ni a nawa sanina ko kuni sai na ce Allah ne kuwa,
In kwa har Allah ne ake ta bibiya karai kwa buwa,
A yi sakkarai bumbumi a bi sarki marasashin uba,
Tafi sak kar kai bumbumi ka bi sarki marasashin uwa,
Rabbana ba ya gyangyaɗi Kaliƙi ba Ya makkuwa,
Jama’a ban da gura-gura mu bi Sarki ba ya mantuwa,
Aminu ALA mai fa ƙulafuci shi yake shela da yakuwa,
Za ku ji bayani nan gaba sanda muka ƙara ɗiya kuwa.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.