Yakasai, S. A. & Sani, A-U. (2021). Diwanin Waƙoƙin Aminu Ladan Abubakar (ALA). Kaduna: Amal Printing & Publishing Nigerian LTD. ISBN: 978-978-57624-9-0.
Amshi
Doka tambarin nasara, ‘yan mazan gidan soja.
Yusufu Tukur Buratai, ‘yan mazan gidan soja.
Mai isa da duk lamari Zuljalali Sarkina,
Mai tajarrabin komai Rabbana maƙagina,
Mai isa da masu isa na taho da waƙena,
‘Yan mazammu zan waƙe soja yau a bakina.
Kui kiɗa kiɗan kurya zan yaba wa ogana,
Kui kiɗa kiɗan jauje za ni waƙe ogana,
Ko badujalar begila busa tambarin ɓauna,
Za ni waƙe ɗan Yusufu shugaban mazajena.
Tafiya mazan tafiya bak ka zo da wasa ba,
Anniya mazan aniya bak ka zo da wargi ba,
Mun ga burbushin nasara ba da tada kura ba,
Mu muna saye da kashi ku kuna kisan gaba.
Da watanni ‘yan baya ba zama na daɗi ba,
Ba zaman lumana ba, ba zama na aiki ba,
Ba zama na ƙauna ba, ba zaman zumunci ba,
Da zuwan Tukur Isuhu ba mu ƙara wannan ba.
Garkuwa ga sojoji Yusufu Tukur nawa,
Garkuwa ga al'umma Yusufu Tukur nawa,
Jiya ana kisan soja ba makamin ramawa,
Yau kisan fa an ƙare kan faɗi da ƙiftawa.
Tattalin Arewawa wanda an ka rusawa,
Kasuwa wajen aiki wanda anka ƙonawa,
Dukkanin wajen bauta da wajen karantarwa.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.