Yakasai, S. A. & Sani, A-U. (2021). Diwanin Waƙoƙin Aminu Ladan Abubakar (ALA). Kaduna: Amal Printing & Publishing Nigerian LTD. ISBN: 978-978-57624-9-0.
Amshi:
Duniya tana ruɗa ni,
Zuciya ki bar rufta ni
Na tashi zan je Birget sai ta mai da ni Tarauni,
Na durƙusa nai zaune yanzu ka ga ta tada ni,
Na yunƙura na miƙe take ka ga ta zaune ni,
Nai gabas ana madallah baya za ta zo mai da ni.
Na yunƙura hannun dama sai ta dama yar in yi hauni,
Bare zuciya bar ja na kar ki maida ni majanuni.
Zuciya tana ruɗa ni,
Ga ni dai maraya ne ni,
Kuma ga shi nai imani,
Rabbana tsare ruɗani,
In guje kaba sheɗani.
Saƙe-saƙe ya kama ni,
Ga tararradi kullum ni,
Wasi-wasi na binne ni,
Ya Mudabbirul zamani,
Ahadun ka kange ni.
Zuciyar ga nafsul ammara mai izo da sossoke ni,
Yau tarairayo alkhairi gobe sai tamin umarni,
Yanzu nai hali mai gobe nai hali mai muni,
Yanzu ga mutum tartibi gobe ya zamo majnuni.
Ya Ubangiji zulmanni kar ka bar ta ta kada ni,
Sa in dallashe kaifinta kar a san da tai gomarni.
Godiya gurin Mannani,
Mai kaso rabo ya ba ni,
Ya raba da ni imani,
Addu’a a ran tada ni,
Kar na tashi ba imani.
Ka haɗo iyayena ni,
Rabbi har iyalaina ni,
Har da malamai rahamani,
Ban cire abokaina ni,
Ka haɗa dasu.
.jpeg "Daga Diwanin Waƙoƙin Aminu Ladan Abubakar (ALA)")
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.