Citation: Gobir, Y.A. & Sani, A-U. (2021). Waƙoƙin Hausa Na Gargajiya. Kaduna: Amal Printing & Publishing Nigerian LTD. ISBN: 978-978-59094-0-01.
3.1.2 Ana Lugude Ana Mama
Wannan na ɗaya daga cikin waƙoƙin daka da mata kan rera. An fi yin wannan waƙa a gidajen bukin suna (bukin haihuwa). Wannan ne ma ya sa waƙar ke ɗauke da habaici ga kishiya, cewa ana ta raɗe-raɗin mai jegon ba za ta haihu ba, sai kuma ga shi ta ba maraɗa kunya ta hanyar haihuwar santalelen jariri. Ga yadda waƙar ke kasancewa:
Ana lugude ana mama,
Cikin shigifa cikin soro.
Mama ba habaici ce ba,
Salon daka a hakan nan.
Ga maccen da ba a so ta haihu,
Ta haifi ƙwandamin ɗa namiji.
Shugaban daka shi ka daka,
‘Yan tanyo kissa sukai,
Sukus-sukus sai su aje.
Gidan Marafa kaji ka daka,
Tarmani na izo wuta.
Tarmani na izo wuta,
Angulu ka kirɓa dawo.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.