Citation: Bunguɗu, U.H. (2021). Bara da wasu waƙoƙin bara a ƙasar Hausa. Ahmadu Bello University Press Limited.
Domin samun cikakken littafi, a tuntuɓi:
Dr. Haruna Umar Bunguɗu
(Sarkin Gobir Na Bunguɗu)
Email: harunaumarbungudu@gmail.com
Phone: 08065429369
4.2 Ma’anar Waƙar Bara
Waƙar bara ita ce waƙar da mabaraci/mabarata
ke amfani da ita yayin da yake/suke aiwatar da baransa/su. An kira su waƙoƙin bara domin
amfani da ake yi da su wajen aiwatar da bara. Waƙoƙin da ake bara da su sukan kasance na baka da rubutattu.
Na bakan su ne waɗanda
tun a wajen samar da su an ƙudurci tsara su
ne saboda a yi bara da su, mafi yawa domin Almajirai. Akan kuma sami wasu waɗanda ba domin almajirai ba ne sai
dai domin sauran mabarata manya, amma haka bai hana su ma wasu Almajirai su yi
amfani da su wajen bara ba. Daga cikin irin waɗannan waƙoƙin da mafi yawa manya suka fi amfani da su, akwai
rubutattun waƙoƙi. Ke nan a nan waƙar bara
ita ce waƙar da mabarata ke amfani da ita wajen aiwatar da bara ko
da kuwa wanda ya wallafa waƙar ba domin a
yi bara ya wallafa ta ba, tunda dai su mabarata sun mayar da ita abar yin bara
ga jama’a, to an ɗauki
irin waɗannan waƙoƙin a matsayin
waƙoƙin bara. Waƙoƙin da ake
amfani da su wajen bara suna da yawa kuma iri-iri ne, akwai waɗanda suka keɓanta da Almajirai kamar waƙar “Kwalho, Inna Kwalho” da “Lantika” da “A tumbulo” da sauransu. Akwai
kuma waɗanda kowane
mabaraci ke iya amfani da su, amma manya sun fi yawaita amfani da su, kamar
rubutattun waƙoƙin wa’azi irin “Gangar Wa’azu” da na madahu kamar
“Imfiraji” da sauran irinsu da aka wallafa domin addu’a ko ilmantarwa, da kuma
wasu na baka da ake rera su cikin taro irin su “Madogara Annabi” da “Jirgi Ɗan Amina” da wasunsu.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.