Citation: Bunguɗu, U.H. (2021). Bara da wasu waƙoƙin bara a ƙasar Hausa. Ahmadu Bello University Press Limited.
Domin samun cikakken littafi, a tuntuɓi:
Dr. Haruna Umar Bunguɗu
(Sarkin Gobir Na Bunguɗu)
Email: harunaumarbungudu@gmail.com
Phone: 08065429369
4.3.1 Samuwar Waƙoƙin Bara
Bara roƙo ne, saboda haka dole a sami wasu dabaru da za a yi amfani da su lokacin aiwatar da shi domin jawo hankalin mutane su bayar da sadaka. Daga cikin hanyoyin akwai shirya waƙoƙi masu ɗauke da fatar alheri domin daɗaɗa zuciyar waɗanda ake rera wa su a zaburar da su wajen bayar da taimako, wato sadaka. Daga cikin waƙoƙin akwai na baka akwai kuma rubutattu. Na baka suna da dogon tarihi da ma ba za a iya ƙayyade lokacin fara su ba[1]. Su kuwa rubutattun waƙoƙin Hausa sun zo daga baya ne sakamakon shigowar addinin Musulunci wanda ya kawo fasahar iya karatu da rubutu a ƙasar ta Hausa[2].
Ga dukan alama, waƙoƙin baka na bara
waɗanda Almajirai
ke amfani da su tsara masu su ake ko kuma ƙila su tsara da kansu, domin da ma su waƙoƙin yara tsara masu ake yi ko ƙila su tsara wa kansu[3]. Wato ke nan waƙoƙin bara na baka
su ne waƙoƙin bara na
farko da aka fara samu a ƙasar Hausa,
kuma su ne aka fara samu a ƙasar Hausa. Su
kuwa rubutattun waƙoƙin sun samu ne a ƙasar Hausa
bayan Hausawa sun iya karatu da rubutu kamar yadda aka bayyana can baya, wanda
ake hasashen faruwar haka a ƙarni na sha huɗu (Ƙ14).
[1] Sai dai a ce an fara su tun a lokacin da Hausawa suka
fara zaman tare a waje ɗaya, lokacin da ba a iya ƙayyade
shi ta amfani da kwanan wata ko shekara, domin tun wancan lokacin ne
taimakekeniya da neman taimako yake a tsakanin Hausawa.
[2] Ana hasashen shigowars Musulunci a ƙasar Hausa cikin ƙarni na 14 (Yahaya,1988).
[3] A duba Dunfawa 2002.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.