Citation: Bunguɗu, U.H. (2021). Bara da wasu waƙoƙin bara a ƙasar Hausa. Ahmadu Bello University Press Limited.
Domin samun cikakken littafi, a tuntuɓi:
Dr. Haruna Umar Bunguɗu
(Sarkin Gobir Na Bunguɗu)
Email: harunaumarbungudu@gmail.com
Phone: 08065429369
5.13 Naɗewa
Kamar yadda aka gani an yi tsokaci a kan irin sigogi da falsafar da ake iya samu a cikin waƙoƙin bara waɗanda ba a cika samunsu a sauran waƙoƙi ba. Wannan ya haɗa da kasancewar waƙoƙin gajeru ta fuskar yawansu da yawan layuka a cikin ɗiya da rawa da amshi na kalmomi masu ma’ana da marasa ma’ana. Ta ɓangaren falsafa kuma an ambaci abubuwa kamar matsayin masu bara da dangantakar Almajirai da mata da girmama ma’auraci da saka lalama ga neman abu da rashin tara/zaɓi ga wanda za a ba.
A lura! Bayanan da aka yi game da
sigogin waƙoƙin bara ba a
ambaci rubutattun waƙoƙin da ake bara da su ba. Dalili shi ne su ba domin a yi
bara da su aka wallafa su ba. Wannan shi ya sa suke bisa sigogin da falsafar
rubutattun waƙoƙi waɗanda
aka saba da su. Abinda kawai aka amabata na siga wanda masu bara ke saka masu
ita ce amshi kamar yadda aka ambata. Bayan siga da falsafa sai kuma saƙo, wato jigogin waƙoƙin. Sai a babi na gaba mu shiga cikinsu domin tantance
yadda lamarinsu yake.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.