5.33 Fanka
Wannan wasa ne na yara maza. Masu gudanar da wasan fanka dole su kasance a bibbiyu. Yawan masu wasa na farawa daga huɗu zuwa sama. Wato zai kasance huɗu ko shida ko takwas da makamancin haka. Wasan na dandali ne. Saboda haka an fi gudanar da shi da dare, musamman lokacin farin wata.
5.33.1 Yadda Ake Wasa
Yara sukan yi da’ira. Daga nan za su rirriƙe hannuwan juna. Sai kuma kowa ya lanƙwashe ta baya tamkar wanda zai kwanta (ta baya). Sai kuma su yunƙura su riƙa juyawa a yadda suke haka, tamkar dai farfelar fanka. Haka za su yi ta juyawa har lokacin da mutum ɗaya ya gaji ko ya suɓuce ya faɗi. Daga nan fanka za ta wargaje.
5.33.2 Tsokaci
Wannan wasa hanya ce ta motsa jiki ga yara. Sannan yana buƙatar jarumta da rashin tsoro. Bayan haka, wasan na samar da nishaɗi tsakanin yara.
Citation: Sani, A-U. & Gobir, Y.A. (2021). Wasanni a Ƙasar Hausa. Kaduna: Amal Printing & Publishing Nigerian LTD. ISBN: 978-978-59094-1-8.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.