5.34 Kofi
Wannan wasa ne na yara maza. Adadin masu gudanar da wannan wasa na farawa daga biyu zuwa sama da haka. Wasa ne na zaune wanda ba ya da waƙa a cikinsa. Sannan ba buƙatar wani kayan aiki yayin gudanar da shi.
5.34.1 Wuri Da LokacinWasa
i. Babu wani ƙayyadadden wuri da aka fi gudanar da wannan wasa. Akan yi wasan a dandali ko ƙofar gida ko ma cikin gida, ko kuma wani wuri da yara kan taru.
ii. Wannan wasa ne na damina, lokacin da ƙasa take da damshi. Akan gudanar da wasan da hantsi ko da yamma. Ba a yin sa da dare.
5.34.2 Yadda Ake Wasa
Akan yi amfani da ƙaramin itace ko dutse ko wani abu makamancin wannan domin a riƙa kartar ƙasa har sai an yi wani dogon layi mai lauye-lauye wato tafiyar maciji. Daga nan za a sa ya tsaya su mulmule cikin ramin tamkar daɓe, yadda babu ƙasa da zai tsaya cikinsa. Daga nan mai tafiya zai zauna a gaban farkon layin, sannan ya ɗora yatsarsa guda a farkon layin. Abokin wasansa kuma zai zauna bayansa sannan ya rufe masa idanuwa. Daga nan wanda aka rufe wa idanuwan zai fara tura yatsarsa gaba yana bin daidai layin da aka shata. Zai riƙa cewa:
“Kofi.”
Wanda ya rufe masa ido kuwa zai riƙa cewa:
“Yes.”
Haka zai ci gaba da bin layin sannu a hankali cikin taka tsantsan domin kada ya fice da yatsarsa daga cikin layin. Da zarar ya wuce kuwa, to ya faɗi. Saboda haka zai tashi, wanda ya rufe masa ido kuma zai zo ya zauna shi ma ya gwada tasa bajinta.
5.34.3 Tsokaci
Wannan wasa yana buƙatar natsuwa. Idan babu natsuwa, mai yin kofi ba zai je ko ina ba zai faɗi.Sannan wasan na samar da nishaɗi ga yara.
Citation: Sani, A-U. & Gobir, Y.A. (2021). Wasanni a Ƙasar Hausa. Kaduna: Amal Printing & Publishing Nigerian LTD. ISBN: 978-978-59094-1-8.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.