5.65 Malam Ka Ci Kusa
Wannan wasa ne na yara maza da ke ɗaya daga cikin rukunen wasannin tashe. Yana da zubi da tsari irin na wasan Ka Yi Rawa. Abin da ya bambanta su kawai shi ne; a wasan Malam Ka Ci Kusa, yara na tuhumar Malam ne kan cewa ya ci ɓera. Wato saɓanin wasan ka yi rawa inda yara ke tuhumar Malam da cewa ya yi rawa. Ga yadda waƙar wasan take:
Yara: Malam ka ci kusa,
Malam: ‘Yar katarar da nic ci?
Ku ce mini na ci kusa?
Yara: Malam ka ci kusa,
Malam: ‘yar hantar da nic ci,
Ku ce mini na ci kusa?
Yara: Malam ka ci kusa,
Malam: Don ɗan kan da nic ci,
Ku ce mini na ci kusa?
Citation: Sani, A-U. & Gobir, Y.A. (2021). Wasanni a Ƙasar Hausa. Kaduna: Amal Printing & Publishing Nigerian LTD. ISBN: 978-978-59094-1-8.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.