Citation: Bunguɗu, U.H. (2021). Bara da wasu waƙoƙin bara a ƙasar Hausa. Ahmadu Bello University Press Limited.
Domin samun cikakken littafi, a tuntuɓi:
Dr. Haruna Umar Bunguɗu
(Sarkin Gobir Na Bunguɗu)
Email: harunaumarbungudu@gmail.com
Phone: 08065429369
5.7.1 Ma’anar Hikimomin Jan Hankali (Falsafa)
Su ne hikimomin Falsafa, falsafa kalma ce da ta samo asali daga harshen Girkanci. Kalmomi biyu suka haɗu suka tashe ta, wato kalmar “Philo” mai nufin ƙauna da ta “Sophia” mai nufin hikima. Ma’ana tana nufin ƙauna da hikima na ƙoƙarin zurfafa tunani tare da nazarin abin da yake kai-komo a sararin subuhana, tare da hikimar bayaninsa (Encyclopedia of religion and Ethics 1953).
A ƙamusun Al-Maurid an bayyana ma’anar kalmar falsafa da cewa:
Ilimi ne da ke tsara ilmummukan magana da ɗabi’u da siffar kyau da tunani na hankali ko wani tsari na addini ko wani fage na nishaɗi na mutum, ko kuma aƙida da fahimtar matsayi na wani mutum ko wasu jama’a”Al-maurid (1977).
Wannan ma’anar ta yi daidai da
wadda ta gabace ta, mai maganar hikima da zurfaffa tunani ga yadda rayuwar yau
da kullum ke gudana tare da bayar da ma’ana ga kowane abu ta hanyar tunani da
hikima. Wanna ƙila shi ya sa
Aminu (2004) ya ce:
“Bakin masana ya haɗu a kan falsafa hanya ce ta tunani da ƙoƙarin samun bayanan dukkan al’amurran da suka shafi duniya da ɗan Adam da inda ya sa gaba” Amin (2004:28).
Abinda malamin ya faɗa ƙarfafawa ne ga bayanan da suka gabata masu ƙoƙarin bayyana ma’anar kalmar falsafa. A bisa haka ake iya
cewa kalmar falsafa na nufin yin tunani mai zurfi ta hanyar hikima domin samar
da hasashe mai ma’ana domin fahimatar al’amurran duniya kamar aƙida ko wani abu. To idan kuwa wannan shi ne ma’anar
falsafa, to akwai irin waɗannan
hikimomin da ke ƙunshe cikin waƙoƙin bara da ga
alama masu bara suke son jama’a su hango su kuma su lura da su.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.