6.27 Kin Zama
Wannan wasa yana da zubi da tsari irin na wasan laula. Abin da ya bambanta su kawai shi ne waƙoƙin da ake gudanarwa a cikin kowanne. Waƙar da yara ke yi a wasan kin zama shi ne:
Bayarwa: Kin zama yarinya,
Amshi: Kin zama.
Bayarwa: Kin zama ɗauko riga,
Amshi: Kin zama.
Bayarwa: Kin zama ɗauko riga,
Amshi: Kin zama.
Bayarwa: Kin zama ɗauko hula,
Amshi: Kin zama.
Bayarwa: Kin zama ban takalmi,
Amshi: Kin zama.
Bayarwa: Kin zama kawo buta,
Amshi: Kin zama.
6.27.1 Tsokaci
Bayan nishaɗi da wannan wasa ke bayarwa, yana ɗauke kuma da wani saƙo zuwa ga amarya, da ke nuna mata yanzu fa tana da nauyi a kanta. Wato da aiki babba a gabanta na hidimar gidan aure. Sai dai akan faɗi wannan saƙo ne cikin waƙar a sigar shaguɓe.
Citation: Sani, A-U. & Gobir, Y.A. (2021). Wasanni a Ƙasar Hausa. Kaduna: Amal Printing & Publishing Nigerian LTD. ISBN: 978-978-59094-1-8.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.