Citation: Sani, A-U. & Gobir, Y.A. (2021). Wasanni a Ƙasar Hausa. Kaduna: Amal Printing & Publishing Nigerian LTD. ISBN: 978-978-59094-1-8.
6.60 Kaɗa
Wannan wasan yara mata ne da ke tafiya da waƙa. Ba ya buƙatar kayan aiki domin gudanarwa. Yawanci kimanin yara sama da goma ne suke gudanar da shi.
6.60.1 Wuri Da Lokacin Wasa
Kasancewar wasan na dandali ne, an fi gudanar da shi da dare, musamman lokacin farin wata.
5.60.2 Yadda Ake Wasa
Yara sukan tsaya bisa tsarin da’ira. Daga nan za su riƙa fitowa ɗaya bayan ɗaya suna ba da waƙa. Yayin da yarinya ke ba da waƙa, saura za su riƙa amsawa tare da tafi. Ga yadda waƙar take:
Bayarwa: Allah ba ni ba ni,
Amshi: Kaɗa.
Bayarwa: Allah ba ni kaɗa,
Amshi: Kaɗa.
Bayarwa: Na yi zare na kaina,
Amshi: Kaɗa.
Bayarwa: Na yanke zugage,
Amshi: Kaɗa.
Bayarwa: Na yi zane na kaina,
Amshi: Kaɗa.
Bayarwa: Na kai wa masoyi.
Amshi: Kaɗa.
6.60.3 Tsokaci
Wannan wasa ne da ke samar da nishaɗi ga yara. Sannan waƙar wasan na ɗauke da hoton ɗaya daga cikin al’adun Hausawa na samar da tufafi daga auduga. Sai dai za a iya hasashen cewa, ba kaɗen haƙiƙa ake nufi ba. A maimakon haka, mai waƙar na nufin Allah Ya ba ta arziki domin ta yi abin kanta. Wato ta dena dogara ga wasu.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.