6.90 Kifi-Kifi
Wannan ma wasan dandali ne na yara mata. Kimanin yara goma zuwa sama ne suke gudanar da wannan wasa. Wasan yana da sigar kwalba-kwalba dire ta fuskar cilli da direwa. Amma sun bambanta ta ɓangarori da dama. Kasancewar wasan na dandali, an fi gudanar da shi da dare, musamman lokacin farin wata. Ba a buƙatar wani kayan aiki yayin gudanar da shi. Sannan yana tafiya da waƙa.
6.90.1 Yadda Ake Wasa
Yara za su rabu kashi biyu. Za su kasance suna fuskantar juna. Amma za su bar tazara mai ɗan faɗi a tsakaninsu. Daga nan yara biyu za su fito tsakiya, waɗanda kuma su ne masu direwa. Daga nan za a fara waƙa tare da tafi. Waɗannan yara biyu na tsakiyar fili za su riƙa faɗawa hannun waɗanda ke tsattsaye. Ɗaya za ta faɗa wa ɓangare ɗaya, ɗayar kuma za ta faɗa ɗaya ɓangaren. Waɗanda ke tsayen kuwa za su cillosu a tare. Daga nan sai su canza wurin faɗawa. Wato wadda ta faɗa hannun dama da sai ta komo hannun hagu. Haka ma wadda ta faɗa hannun hagu za ta koma hannun dama. Za su riƙa yi suna waƙa kamar haka:
Kifi-kifi-kifi,
Kifin Malam Sale,
Ga daÉ—i ga kwaÉ—ayi.
Shi ma Malam Sale,
Ga daÉ—i ga kwaÉ—ayi.
Da zarar an kamala wannan waÆ™a, masu direwa za su koma cikin sauran ‘yanwasa. Wasu daban kuma za su fito tsakiya.
6.90.2 Tsokaci
Wannan wasa yana sanya nishaÉ—i ga yara. Sannan hanya ce ta motsa jiki gare su.
Citation: Sani, A-U. & Gobir, Y.A. (2021). Wasanni a Ƙasar Hausa. Kaduna: Amal Printing & Publishing Nigerian LTD. ISBN: 978-978-59094-1-8.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.