6.91 Faɗi Mana
Wannan ma wasan yara mata ne da ke da zubi da tsari irin na wasan kwalba-kwalba dire. Abin da ya bambanta su kawai shi ne irin waƙar da ake rerawa cikin kowanne. Ga yadda waƙar wasan faɗi mana take:
Mai Direwa: In faɗiye-faɗiye,
Ba su Cilli: Faɗi mana.
Mai Direwa: In faɗi mai so na?
Ba su Cilli: Faɗi mana.
Mai Direwa: Ku kuka sa ni,
Ba su Cilli: Faɗi mana.
Mai Direwa: To kar ku ga laifina,
Ba su Cilli: Faɗi mana.
Mai Direwa: To kada ku ga haukata,
Ba su Cilli: Faɗi mana.
Mai Direwa: Babu munafunci,
Ba su Cilli: Faɗi mana.
Mai Direwa: Babu ɓoye-ɓoye,
Ba su Cilli: Faɗi mana.
Mai Direwa: Kabiru yana so na.
Ba su Cilli: Faɗi mana.
6.91.1 Tsokaci
Wannan wasa yana samar da nishaɗi ga yara. Sannan hanya ce ta motsa jiki gare su. Bayan haka, wasan na ba su dama su bayyana sunayen masoyansu. Wannan saƙo ne zuwa ga iyaye da masu da ma duk wani da zai saurari waƙar wasan, da kuma ƙawayen mai wannan waƙa.
Citation: Sani, A-U. & Gobir, Y.A. (2021). Wasanni a Ƙasar Hausa. Kaduna: Amal Printing & Publishing Nigerian LTD. ISBN: 978-978-59094-1-8.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.