6.99 Yau Na Zama Baran Mata
Wannan ma wasa ne na yara mata da ke cikin rukunin wasannin tashe. Kimanin yara uku zuwa sama da haka ne suke gudanar da wannan wasa. Sai dai kayan aikin guda ɗaya ne kawai, wato tsintsiya. Ana buƙatar kayan aiki yayin da za a gudanar da shi. Sannan yana tafiya da waƙa. Kamar sauran wasannin tashe, ana gudanar da shi ne da dare.
6.99.1 Yadda Ake Wasa
Masu ɗaya daga cikin masu wasa za ta riƙe tsintsiya. Yayain da aka iso wurin tashe, za ta nemi wuri ta fara shara. Sannan za ta riƙa ba da waƙa saura kuma na amsawa. Ga yadda waƙar take:
Mai Shara: Yau na zama baran mata,
Amshi: Share musu gidan tsaf-tsaf.
Mai Shara: Yau na zama baran mata,
Amshi: Share musu É—aki tsaf-tsaf.
Mai Shara: Yau na zama baran mata,
Amshi: Allah Na son tsafta.
Mai Shara: Yau na zama baran mata,
Amshi: Annabina son tsafta.
Mai Shara: Yau na zama baran mata,
Amshi: Lada kike samu kullum.
Haka za su ci gaba da yi har sai an sallame su.
6.99.2 Tsokaci
Wannan wasa na nuna muhimmancin tsafta da matsayinta a addinance. Yana nuni da cewa, tsafta ba wahalar banza ba ce, domin kuwa hanya ce ta samun lada.
Citation: Sani, A-U. & Gobir, Y.A. (2021). Wasanni a Ƙasar Hausa. Kaduna: Amal Printing & Publishing Nigerian LTD. ISBN: 978-978-59094-1-8.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.