7.15 O Maciji
Wannan wasa ne na tarayya tsakanin maza da mata. Wato maza da mata duk na gudanar da wannan wasa. Kimanin mutane goma zuwa sama ne suke gudanar da shi. Wannan wasa ne na dandali, saboda haka an fi gudanar da shi da dare, musamman lokacin farin wata. Wasan na tafiya da waƙa, amma ba ya buƙatar wani kayan aiki yayin gudanar da shi.
7.15.1 Yadda Ake Wasa
Masu wasa za su kasu kaso gida biyu, su riƙa fuskantar juna. Sannan za su riƙe hannunwan juna daga ɓangarorin guda biyu. Daga nan kuma ɗaya zai hau bisa hannuwan a kwance. Yaran za su riƙa rausaya wanda ke saman hannuwan nasu tare da yin waƙa kamar haka:
O maciji,
Zalala maciji,
Ga maciji a bakin kogi zalam.
Haka za su yi ta yi sai adadin da aka ɗiba ya ƙare. A nan wanda ke saman zai sauka/za ta sauka, wani/wata kuma ta/ya hau. Wannan wasa ne na nishaɗi da kuma motsa jiki.
Citation: Sani, A-U. & Gobir, Y.A. (2021). Wasanni a Ƙasar Hausa. Kaduna: Amal Printing & Publishing Nigerian LTD. ISBN: 978-978-59094-1-8.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.