7.29 Dunguren Kule
Wannan wasa ne da yara maza da mata masu ƙarancin shekaru suke yi. Babu takamaiman wurin wasa da aka ware domin gudanar da shi. Sannan ba dole sai an samu taron yara ba kafin gudanar da wasan. Ba ya tafiya da waƙa, sannan ba ya buƙatar wani kayan aiki na musamman.
7.29.1 Yadda Ake Wasa
Mai yin dunguren kule zai tsuguna sannan ya kifa kansa a ƙasa, tare da dafa hannuwansa a gefe da gefen kan. Sai kuma ya ɗago ƙafafun nasa ya wuntsila ta gaba. Zai kasance ke nan ya juya, kwance bisa gadon bayansa. Yara masu ƙarancin shekaru na jin daɗin wannan wasa.
7.29.2 Tsokaci
Wannan wasa na samar da nishaɗi ga yara. Sannan hanya ce ta motsa jiki gare su. Bayan haka yana cire wa yara tsoro. Domin kuwa duk yaro mai tsoro ba zai iya dunguren kule ba.
Citation: Sani, A-U. & Gobir, Y.A. (2021). Wasanni a Ƙasar Hausa. Kaduna: Amal Printing & Publishing Nigerian LTD. ISBN: 978-978-59094-1-8.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.