Citation: Gobir, Y.A. & Sani, A-U. (2021). Waƙoƙin Hausa Na Gargajiya. Kaduna: Amal Printing & Publishing Nigerian LTD. ISBN: 978-978-59094-0-01.
Ba mu Kuɗinmu
Bayarwa: Wayyo Allah!
Amshi: Ba mu kuɗinmu.
Bayarwa: Wanne kuɗinku?
Amshi: Kuɗinmu na bashi.
Bayarwa: Bashin mene?
Amshi: Bashin doya?
Bayarwa: Na doyar yaushe?
Amshi: Na doyar bara.
Bayarwa: Ta nawa kuka ba ni?
Amshi: Ta dala muka ba ka.
Bayarwa: A ina kuka ba ni?
Amshi: Ɗakin baba.
Bayarwa: Ina shaidarku?
Amshi: Mu je gun inna.
Bayarwa: A ina kuka ba ni?
Amshi: Ɗakin inna.
Bayarwa: Ina shaidarku,
Amshi: Mu je gun baba.
Bayarwa: Wayyo Allah!
Amshi: Ba mu kuɗinmu.
Bayarwa: Ku tsaya in ba ku,
Amshi: Sai ka ba mu.
Bayarwa: Ni fa ɗan gata ne,
Amshi: Ina gatanka?
Bayarwa: Ga shi ubana?
Amshi: To ya ba ka ka ba mu.
Bayarwa: Baba ba ni in ba su,
Amshi: Da dai ya fi.
Bayarwa: Baba za su kashe ni,
Amshi: Sosai-sosai.
Bayarwa: Baba na fa jigata,
Amshi: Sosai-sosai.
Bayarwa: Baba har da gumi fa,
Amshi: Sosai-sosai.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.