Citation: Gobir, Y.A. & Sani, A-U. (2021). Waƙoƙin Hausa Na Gargajiya. Kaduna: Amal Printing & Publishing Nigerian LTD. ISBN: 978-978-59094-0-01.
WAƘOƘIN BARA
7.0 Gabatarwa
A ɓangaren bara ma, ba a bar waƙoƙin gargajiyar Bahaushe a baya ba wurin taka muhimmiyar rawa. Mabarata na amfani da waƙoƙi daban-daban yayin gudanar da bararsu. Wasu daga cikin waƙoƙin bara na ɗauke da faɗakarwa da maganganun imani da tunasarwa game da Mahalicci da mutuwa da tashin ƙiyama da dai makamantansu. Wannan ya kasance babbar dabarar bara, domin kuwa irin waɗannan maganganu na sa wanda ake roƙa ya ji imani ya shige shi har ya ɗauki sadaka ya ba wa mabaraci.
Waɗanda aka fi sani da bara a ƙasar Hausa sun kasu kashi biyu kamar haka:
i. Yara, waɗanda mafi yawa almajirai ne.
ii. Manya maza ko mata, waɗanda mafi yawa musakai ne.
Lura da wannan, za a iya cewa, manyan dalilan da sukan sa bara a ƙasar Hausa su ne (i) almajiranci ko kuma (ii) kasancewar mutum musaki. Akwai wasu dalilan bayan waɗannan da suka haɗa da maraici da rashi da annoba da dai sauransu. Wannan babi na ɗauke da wasu daga cikin misalan waƙoƙin bara a ƙasar Hausa.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.