Gamshe ciyawa ce mai kyau musamman a wajen masu kiyon dabbobi
Gamshe tana cikin ciyawa da doki ya fi daso fiye dakowace ciyawa awajen ƙotonsa
Gamshe ciyawa ce dabaka samunta a kan sahara sai dai a fadama wajen da ke da Dausayi musamman bakin Tafki ko korama ko kuma bakin kogi/rafi
Gamshe ciyawa ce gwanin sha'awa za ka same ta tsanwa shar/koriya,
Gamshe takan yi ƙonshi ya fitar da kai fari idan ya ƙosa kaman kansu kusan ɗaya da kan rake, sai dai kansa bai kai na rake girma da fadi ba, amman duk kansu fari fat maikama daya.
Gamshe ciyawa ce da Doki yake ci sosai amman dabbobi kaman su shanu da tumaki da awaki da jakai da rakomi Duk sunacin Gamshe
Yakan fito ne a lokacin damina idan rani yakama yakan chanza kala daga tsanwa/kore zuwa ɗorowa ɗorowa dagan nan dai idan rani yayinisa yabushe ƙomomus
Gamshe masu dabbobi sukan yanki ciyawa Gamshe da damina suke baiwa Dabbobinsu idan rani yayikuwa sukan rinka tonon sayyunsa akaima dabbobin da muka ambata asama
Gamshe kunnuwansa tsanwaye ne/koraye karansa kuma yanada ga'ba ga'ba, kaman karan gero ko Dawa, ko wata ciyawa da muke kira da suna ILLiri, kunnuwansa da ga'bo 'binsa tsanwaye ne/koraye sai dai Sayyunsa farare ne fat
Gamshe sayyunsa sunada zaƙi zaƙi, hakama karansa, sai dai kunnuwansa sukan yanka mai aikin yankansa kaɗan kaɗan saboda sunada dan kaifi
Gamshe akansame shi acikin fadamar kanwa ta gefen yankin Gobirawa, Sabon birni L/G Sokoto State, takan yuyu asameshi acikin fadammu dayawa a kowane yankin,
Gamshe muke kiransa a namu yankin takan yuyu wasu sukan kira shi da wani sunan daban ba Gamshe ba.
Daga Taskar
Mai Girma Sarkin Rafin Gobir
Mai Girma Isma'il Muhammad Yusuf
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.