"Bakura mun biya, mu kawa Tudu murna Bakura an naɗa sabon Sarki" cewar Makaɗa Muhammadu Bawa Ɗan Anace Yar Tsakkuwa, Gandi Sakkwato a faifansa na Ɗan Dambe Miko Dogo. Makaɗa Ɗan Anace na nufin da ya taso daga garinsu na Yar Tsakkuwa dake cikin Ƙaramar Hukumar Mulkin Raɓah ta Jihar Sakkwato babban garin da ya fara yada zango shi ne Bakura wadda ke cikin Jihar Zamfara ta yanzu domin ya taya Dagacin Birnin Tudu, watau Tudun Birnin Tudu, Marigayi Alhaji Tukur murnar zamowar Yayansa/Wansa, Marigayi Alhaji Muhammadu Mai lafiya Sarkin Ɓurmin Bakura /Uban Ƙasar Bakura/Hakimin Gundumar Bakura a lokacin. Ya yi sarauta a Bakura daga shekarar 1970 zuwa lokacin da aka cire shi a shekarar 1980/81. Wannan shi ne gidan Sarautar Bakura. Allah ya jiƙan magabatanmu, ya sa mu wanye lafiya mu cika da kyau da imani, amin.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.