BISMILLAHIR RAHMANIR RAHEEM
Kana Cin Amanar 'Yan Uwanka?
Ga Illolin Cin Amana Da Manzo (S.A.W) Ya Ambata...
1. Cin amana yana daga cikin halayen munafurci. Manzon Allah
(S.A.W) ya lissafta wasu halaye guda uku, ya ce duk wanda yake da su a cikin
halayensa, to hakika shi munafiki ne. Koda ya yi sallah ya yi Azumi, koda ya yi
Hajji ya yi Umrah, koda ya ce shi Musulmi ne (Subhanallah).
2. CIN AMANA yana daga cikin abubuwan da suke tauye imanin
mutum. Matukar mutum zai rika cin amanar mutane, to kullum imaninsa raguwa yake
yi.
3. CIN AMANA yana
daga cikin halayen da suke kaskantar da darajar mutum a wajen Allah. Matukar
mutum bai rike amanar bayin Allah ba, to Allah ne zai zama abokin rigimarsa a
ranar alkiyama (Subhanallah).
4. CIN AMANA yana
sanya mutum ya yi bakin jini a cikin al'umma, darajarsa da mutuncinsa su zube,
sannan kuma al'umma su rika gudunsa.
5. CIN AMANA yana zama sanadiyyar dulmiyar mutum cikin wutar
jahannama. Kamar yadda ya zo a cikin hadisi, Allah zai sanya amanar a cikin can
kasan wutar Jahannama, sannan a umurci maciyin amana cewa ya shiga ya dauko ta.
Sai ya dauko ya hauro wani babban tudu, sannan sai ita kuma amanar ta subuce ta
koma can kasan ramin Jahannama. Sai Mala'iku su daka masa tsawa su ce ya koma
ya daukota. Haka zai yi ta yi har illa masha Allahu.
6. CIN AMANA yana
zubar da albarkar dukiya. Domin kuwa komai yawan kudi, in dai aka cudanya shi
da kudin cin amana sai ya lalace.
Yaku Jama'a!!! Ya zama wajibi mu rika kiyaye amanar junanmu
don samun mutunci a wajen Allah da bayin Allah.
Allah y asa mu dace duniya da lahira Bijahi Rasulillahi
(S.A.W).
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.