𝐓𝐀𝐌𝐁𝐀𝐘𝐀❓
Shin wasu alamomi ne ke nuna cewa mamaci ya cika
da imani kuma shin akwai wadanda za su shiga aljanna Ranar alqiyama ba tare da
an yi musu hisabi ba?
𝐀𝐌𝐒𝐀❗️
Daga cikin alamomin akwai:
1.CIKAWA DA KALMAR SHAHADA: saboda faɗin Annabi ﷺ "Duk Wanda maganarsa ta karshe ta
zama La'ilaha illallahu zai Shiga aljanna".
2. MUTUM YA MUTU YANA AIKIN ALHERI: kamar sallah
ko Hajji, saboda faɗin
Annabi ﷺ
"Ana tashin bawa akan abin da ya mutu yana yi".
3. IDAN MUTUM YA RASU DAREN JUMA'A KO YININTA:
saboda faɗin
Annabi ﷺ
"Duk Wanda ya rasu Daren juma'a ko yininta Allah zai kare shi daga azabar
Kabari"
4. IDAN MUTUM YA RASU DA GUMIN GOSHISA: kamar
yadda ya tabbata a hadisin Tirmizi .
5. Idan mutum ya yi shahada kamar mace ta mutu
wajan haihuwa ko ciwon ciki ko nutsewa a ruwa ko ya mutu a ciwon Kwalara ko
kare kansa ko dukiyarsa da sauransu.
Idan aka koma can cikin littafin Ahkamul Jana'iz
Sheikh Albani yakawo alamomin a farko farkon littafin. Amma wannan ana
kyautatawa mutum zatone ba'a yanke hukunci kai tsaye ace mutum ɗan aljanna ne ko ace kai tsaye ya cika da
imani.
Manzon ALLAH (ﷺ) Ya ce: "Lalle za a samu masu shiga
Aljanna a cikin al'umma ta mutum dubu Saba'in, babu Hisabi ko Azaba agare su,
tare da kowani dubu ɗaya
akwai mutum dubu saba'in da zasu shiga Aljanna.” [Saheeh Al-jami: 5366]
Abin da hadisin yake nufi: mutum Biliyan Huɗu da miliyan ɗari Tara (4.9B ko 4,900,000,000) Zasu
Shiga Aljanna Babu Komai Salin Alin.
Waɗanda
suke shiga aljanna babu hisabi sune waɗanda Annabi ﷺ ya faɗesu acikin hadisi Ukasha binu Mihsan wato waɗanda suke basa camfi basa neman magani da
sauransu.
ALLAH Yasa mu dace, Yasa muna daga cikin Al'ummar
Annabi (ﷺ) waɗanda zasu shiga Aljanna ba tare da Hisabi
ba (Aameen)
Zauren Fatawowi Bisa Alkur'ani Da Sunnah. Ku
kasance Damu...
𝐖𝐇𝐀𝐓𝐒𝐀𝐏𝐏👇
https://chat.whatsapp.com/DIcJIQrWyLP0oBOMSnDi5P
𝐓𝐄𝐋𝐄𝐆𝐑𝐀𝐌👇
https://t.me/TambayoyiDaAmsoshi
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.