Masu sarautar Bunguɗu jinsin Fulani ne da ake kira 'Kasarawa' da suka fito daga Katsina. Sun samu wannan laƙabin na 'Kasarawa' ne bayan sun fito daga Katsina kafin su kawo inda suke yau sai suka yada zango da dabbobin su a wata Ƙorama da ake kira 'Kasara' dake cikin Masarautar Zurmin Jihar Zamfara ta yanzu inda daga nan suka 'Bunguɗo' da dabbobin su zuwa inda suke a halin yanzu. A lokacin wurin ya na karkashin mulkin Sarkin Gobir Malam Ummaru Bawa Jan Gwarzo ɗan Sarkin Gobir Ibrahim Babari ɗan Sarkin Gobir Ashi/Ashe a cikin ƙarni na 18 wanda shi ne ya aminta dasu zauni wannan wurin har ma ya naɗa Jagoran su Malam Muhammadu Ɗan Zundumi a matsayin "Arɗo" daga baya laƙabin Sarautar ya canza/canja ya zuwa "Sarkin Fulani" da suke amfani da shi a yau.
Ƙila wannan dangantakar ce dake tsakanin gidan Mujaddadi da gidan Malam Muhammadu Ɗan Zundumi da kuma girmamawa tsakanin Malami da Ɗalibin shi ta sanya Marigayi Mai girma Sarkin Sudan na Wurno murabus, Alhaji Shehu Malami ya sayi mota ƙirar Marsandi Benz ya baiwa wanda aka yi ma wannan Waƙar (Ɗanmadamin Sakkwato). Ɗanmadamin Sakkwaton ya karantar da Sarkin Sudan a Middle School, Sokoto. Domin nuna girmamawa rana ɗaya ya yi odar irin wannan motar guda biyu, ya baiwa matar shi (Matar Sarkin Sudan, Hajiya Asma'u yar Marafan Sakkwato, Alhaji Ahmadu Ɗanbaba ɗan Magajin garin Sakkwato na 9 Shehu ɗan Magajin garin Sakkwato na 5 Muhammadu ɗan Magajin garin Sakkwato na farko, Jikanyar Sir Ahmadu Bello GCON KBE Sardaunan Sakkwato a wajen Mahaifiyar ta) guda ɗaya, ya baiwa Malamin nashi, Ɗanmadamin Sakkwato guda ɗaya kyautar Allah.
Lambar Waya: 08149388452, 08027484815
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.