1.
Mata ta gari ce ke tashin miji
Da asubahin fari ya sallaci Mai'giji
Ta sa masa ruwan dumi babu turji
Ya yi wanka da alwala yana mai ji
Da ita a zuciyarsa ba tare da tababa ba.
2.
Kan ya dawo ta dafa masa shayi
Na so da ƙauna ba ta wani shayi
Zabinta ne daga maza dubu a layi
'Da ba bawa ba daga cikin wasu bayi
Na Ilahun sammai da ƙassai Ya Rabba.
3.
Ya ce "Salamun alaikhi ya ukhtiy"
Ta ce "Wa alaikassalaam ya Abti
Sannu da zuwa bugun zuciyar Ati
Hasken ruhinta wanda ba ya latti
Wa ya ce ba da bazarka nake rawa ba?
4.
Zinari ka fi azurfa balle tagulla
A duwatsu ina wanda yai ya Dala
Gogana ka fi kowa ko a karin hula
Kar fa a nemi masu wasa da Dala
Ga ni gabanka durƙushe da kuɗin Laraba.
5.
Wasu na zuga ni kar in gaida ka
Burinsu ne in raina ka in sauya ka
Alhali a gida an ce in girmama ka
Ta su zan bi ko Manzo Nabiyyinka
Ina masu hankali ku zo ku taya ni dubawa.
6.
Tunda kai sallama mijina ka fita
Amsa maka sai na nuna bajinta
Tabbas zan yiwa kafarka tausata
Da Zaitun na farko daga zuciyata
Suna so ba sa so ni dai ban ga ta zama ba.
7.
So suke a kama ƙirga mun maza
Zakaru biyar sai ka ce wata kaza
Ni ke nan kamar kalwa an baza
A kasuwar ƙauye ƙudaje na gabza
Ku bar ni in É—au alJannata inda ba musu ba.
8.
Wata ta ce wai mijinta waye shi
A matsayi har ya isa ta gaishe shi
Ni kuwa na ce "Ni nawa shi ne shi
Da nake burin Allah Ya rahamshe shi
Yai masa hisabi ba tare da wani bincike ba."
9.
Ya ku matanmu ku fa sani a yau
Rayuwan nan cike fa take da hau
Mu kiyayi ShaiÉ—an don zama lau
Ya ishe mu izina ƙunar ranar rau
Ba sai mun tsinci kanmu cikin da na sani ba.
10.
Waƙa ce sabuwa fil cike da kashedi
Ta Ahamadu É—an Tijjani mai muradi
A bar fitina du mu kiyayi yaÉ—a fasadi
Kar gidanmu asa su Walakiri yin gadi
Gobe kiyama Allah sada mu da É—an Suwaiba
Daga Taskar
Malam Muhammad Tajajjini Tijjani
Imel: mmtijjani@gmail.com
Lambar Waya: +234 806 706 2960
A Kiyayi Haƙƙin Mallaka
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.