Citation: Bunguɗu, U.H. (2022). Waƙoƙin Amali Sububu. Ahmadu Bello University Press Limited.
Domin samun cikakken littafi, a tuntuɓi:
Dr. Haruna Umar Bunguɗu
(Sarkin Gobir Na Bunguɗu)
Email: harunaumarbungudu@gmail.com
Phone: 08065429369
Turken Tauhidi a Waƙoƙin Amali Sububu
Tauhidi kalma ce ta Larabci da ke nufin
kaɗaita
Allah[1],
A taƙaice tauhidi shi ne tabbatar da cewar babu abin da ya
cancanta da bauta sai Allah. kamar yadda Abi Abdurrahman bn Muhammad bn Rislam
ya yi bayani a cikin littafinsa mai suna ‘La’ilaha illallah’ Ma’anaha Shuruɗiha Nawaƙibuha Fabluha cewa:
“Tauhidi shi ne ƙuduri
da kuma faɗar
cewa
Lallai ba bu wanda ya cancanci a bauta
masa
sai Allah, da kuma lizimtar hakan tare
kuma
da aiki da shi.
Haka ma a Muhammad bn Abdulwahab a cikin
Littafinsa Usulus Salasa Wa’adatiha ya
kawo ma’anar tauhidi inda yake cewa:
Tauhidi shi ne tabbatar da cewa ba
wanda ya cancanta a bauta masa bauta ta
gaskiya sai Allah (SWT) Shi kaɗai.
(Muhammad bn abdulwahab: babu shekarar
bugawa)
Shi kuwa Imamu Ɗahawi
a Littafinsa mai suna Al-aƙidatu Ɗahawiya ya yi bayanin tauhidi da cewa:
Lallai Allah ɗaya ne baya da
abokin
Tarayya. (Ɗahawi:
babu shekarar bugawa)
Har wa yau Shaikhul Islam Muhammad bn
abdulwahab a Littafinsa mai suna ‘Tafsiru Kalimatut Tauhid ya ce:
Tauhidi shi ne haƙiƙanin tabbatar
da cewa babu wanda ya cancaci a
yi wa ibada sai Allah.
(Muhammad bn abdulwahab: babu shekarar
bugawa)
Don haka ya kasa tauhidi kashi uku kamar haka:
Tauhidir Uluhiyya,
Tauhidir rububiyya,
Tauhidi asma’u wa siffa.:
Manazarta waƙa
kan yi ƙoƙarin fito da abubuwan da suka shafi
tauhidi a cikin waƙoƙin da mawaƙa suka yi. Ga misalan wasu wurare da Amali ya kawo wannan
turken kamar haka:
Jagora : Allah ubana,
: Ubangijina,
: Uban giji,
: Wanda adda sheɗa[2],
: Yana gani,
: Ba da ijjiya[3] ba,
: Shi ne ka ji,
: Ba da kunnuwa ba,
: Sarkin da ba,
: A kiɗa ma ganga,
: Sarkin da ba,
: A kiɗa ma kotso,
: Sarkin da ba,
: A kiɗa ma goge,
: Sarkin da ba,
: A ganin naɗinai,
: Sarkin da ba,
: A ganin hitonai,
: Sarkin da ba,
: A gani da riga,
: Sarkin da ba,
: A gani da wando,
: Balle agogo da
sa tubarau[4],
: Ikonka shi,
: Ne abin ruhwanka,
: In ya yi hannu,
: Yana ƙahwahu,
: In ya yi
hwarutta[5],
: Yana yin akaihu[6],
: In ya yi hanci,
: Yana idanu,
: In ya yi hal...,
: She yana haƙora,
: In banda shi,
: Wa ka yin hakan ga?
’Y/Amshi : Mu san da Allah,
: Mu gyara gobenmu,
: Kam mu saɓa ma lahirarmu,
: Ya biya,
: Mai kuɗin manoma,
: Mu kai dumanmu
gidan Nadada.
(Amali Sububu:
Nadada)
A wannan ɗan waƙar Amali Sububu ya bayyana sunayen Allah Maɗaukakin
sarki da sifofinSa, waɗansu ayyuka waɗanda babu
mai iya yin su sai Allah duka sun bayyana a wannan ɗan waƙar. Sifofin Allah kamar ji ba da kunnuwa ba, ko gani ba
da ido ba, da halitta mutum da sauran abubuwan halitta tare da suranta su yadda
yake so, daga ƙarshe Amali ya nuna cewa bayan Allah babu mai iya yin waɗannan
abubuwa.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.