Citation: Bunguɗu, U.H. (2021). Bara da wasu waƙoƙin bara a ƙasar Hausa. Ahmadu Bello University Press Limited.
Domin samun cikakken littafi, a tuntuɓi:
Dr. Haruna Umar Bunguɗu
(Sarkin Gobir Na Bunguɗu)
Email: harunaumarbungudu@gmail.com
Phone: 08065429369
Waƙar Ba’u
Bismillahi Allah na roƙe ka,
Ina bara ka san da nufata.
Ka taimake ni ka bani bayanin.
Sanin Muhammadu in yi yabo nai,
Ga haihuwa tai Manzon Allah,
Ƙaunar uwatai ta
yi yabo nai.
Aminatu ita ta haife shi,
Halimatu ita ta yi yabo nai.
Halimatu ta yi reno mai kyawo,
Tay yi arziki
domin yabo nai.
Tubarakallah wanga maraya,
Tana daɗawa al’ajabinai.
Inda na san bani da ilmi,
Da na yi wauta gun
bege nai.
Na gode Allah na yi salati,
Ga Sidi Manzo
Almuhtari.
Kai an na farko tun ga halitta,
Ga Annabawa babu kamatai.
Yabon Muhammadu ya
wajabta,
Ɗiya Musulmi mui ta yabonai.
Kai ad da suna
hairun haƙƙun,
Maza da mata mui
ta yabonai.
Komih hi lada ci
da maraya,
Riƙon gida bai zan laifi ba.
Mai ci da maraya
ko miskini,
Ka ce da wannan
albishirinai.
Ci da uwaye ya
wajabta,
In babu kyauta ai
masu ranko.
Haƙƙin uwaye haƙƙin Allah,
Sai an rage aka
samun tsira.
Duk wanda Allah ya
yi wa ɗa’a,
Ba za ya rena uwa
da uba ba.
Mai son zumunci ya
so Allah,
Allah ka gyaran
al’amarinai.
Mai gaskiya na
tare da Allah,
Kowaf faɗe ta a ba shi abutai.
Ba rikici addini
Allah,
Halinmu ne shi kan
rikita mu.
Koway yi noma bai
zakka ba,
Ko ya yi sallah ba
ta da lada.
Abinda duk Allah
yab baka,
Saboda Allah ɗebi ka bayar.
Duniya matar zakka
ce,
Shigo-shigo taka
yi ba zurhi.
Waɗansu na tsoron su shige ta,
Waɗansu sun ɗaura mata aure.
Sun yi gida sun
gina sumunti,
Wurin rabo a rabar
ba daɗi.
Koway yi talauci
yas saki hanya,
Ku ce ma wannan ba
shi da komi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.