Intanet da dandalolin sada zumunta ko soshal midiya a Turance wasu ƙafofi ne dake bawa kowa namiji ko mace yaro ko babba ƙungiya ko ɗaiɗaikun mutane, cibiyoyi ko majalisu kai har gwamnatoci da ƙasashe dabandaban a faɗin duniya damar furta albarkacin bakinsu a kan komai kuma a kan kowa.
WaÉ—annan
kafafe sun kasu kashikashi dangane da irin buƙata ko saƙon da mutum ko jama'a ke son isarwa ga
al'umar duniya. Idan jan hankali da nuna
fahimta kake so akwai Facebook. In yaÉ—a
labari ko tura bidiyo ne ya fi baka sha'awa to Whatsapp ne naka. Ga masu son
sharholiya kuwa TikTok ne nasu.
YaÉ—awa
da kallon gajejjerun bidiyo na tsakure don nishaÉ—i
a nemi Instagram. Baiyana ra'ayin ƙashin kai da na ƙungiyoyi da gwamnatoci a
takaice wato a sigar kanun labarai Twitter ce inda kowa ke baje kolinsa. In
kuma aka ce za a kalli bidiyo ne na tsawon lokaci to mai sha'awar yin hakan ya
je YouTube.
Akwai tarin wasu shafuka kalakala da suke biyawa ma'abota
hawa yanar gizo da dama bukatarsu. Abin dai ya danganci me suke so. To, koma
dai mene ne burin masu ziyartar kafofi da dandalolin a yanar gizo ya kamata
mutum ya san cewa akwai abubuwa guda 7 da ya kamace shi yi don gudun tafka
mummunar asara.
Tabbas asara ma babba kuwa, in dai a matsayinka na Musulmi, É—an Arewa, Bahaushe, Mai
Ilimi (Boko da Islama), Mai hankali da son ci gaban al'umarka da dai sauransu
in baka tabbatar da cimma waÉ—annan
manufofi har guda bakwai ba a duk sanda ka samu kanka ko kika samu kanki a
duniyar intanet to a gaskiya da sake. Shin waÉ—anne
ne abubuwa 7 nan?
Ga su kamar haka:
1. Neman Lada
Saboda rayuwar duniya cin kasuwa ce kuma ribarta ita ce
mutum ya yi ajiya don maganin wata rana, sannan tunda lokaci wucewa yake yi ala
ayya halin to ya kamata kowa ya yi la'akari da cewa duk aiyukansa/ta a doron ƙasa
wata tijara ce. Sakamakon hakan zai yi masa/mata tasiri ne a rana gobe kiyama.
Don haka hankali shi ne mutum ya shuka alkhairi.
2. Nemi Ilimi
Kasance É—alibi
a jami'ar 6oye wato dandalin intanet ta yadda za ka zama ko da yaushe a cikin
shiri na É—aukar
dukiyarka (ilimi) da ta 6ata duk inda ka tsince ta kamar yadda Annabi SAWS ya
sanar da mu. Akwai tulinsa kuwa duk inda ma'abocin hawowa ya kurÉ—a a yanar gizo. Yayin da
kake karance-karance to kasance mai É—iban
ilimi.
3. Kiyayi Neman Suna
Yaro bari murnan karenka ya kama zaki in ji masu iya magana.
Sau da yawa wasu na hawa intanet ne don yaÉ—a
manufa don kuma a sansu a san harkarsu. Sai dai a ƙoƙarin ɗabbaƙa wannan manufa tasu
akwai waÉ—anda suke yin
abubuwan da ba shike nan ba don kawai su yi suna kuma sunan da tashen ya É—ore har ta kai su kunyata
su kuma tafka gagarumar asara.
4. Kasance Bishiya
Duk sanda ka tsinci kanka a wani dandalin sada zumunta to ku
É—auki kanku tamkar
wata bishiya ce mai ganye kore shar ga inuwa ga y'ay'a nunannu ga magani ga ƙaruwa
a tattare da komai nata tun daga ganyenta har saiwarta. Bi ma'ana ku zama masu
amfanar da al'uma daga alkhairin da Allaah SWT Ya baku na sani fahimta da
zurfafa tunani.
5. Jakada Nagari
Ka zama mai amfani da damar da ka samu na faÉ—a duniya ta ji wajen kare
addininka (Islam), al'umarka, 6angarenka (Arewa), ƙwatar y'ancinka, koyar da
dabi'u da halaye nagari, jan hankalin mutane don sanin abubuwan ci gaba da inda
duniya ta sa gaba. Don akwai buƙatar ka koyi salon rubutu irin na duniyar
midiyar yanar gizo saboda cimma waÉ—annan
buruka.
6. Gina Kai/ÆŠaukaka Darajar Kai
Kowa ya sani cewa yanzu fa manya-manyan kamfanoni na duniya
da masana'antu da ma wasu hamshaƙan masu kuɗi
sun daina damuwa da sakamakon karatun mutum na Jami'a. Buƙatarsu
kawai me ka iya me za ka iya yi? Maimakon su kalli satifiket É—inka na'ura za a ba ka a ce
ka sarrafa wani ƙalubale a gani.
In ka iya ba ka da matsala in kuwa aka samu akasi duk
karatunka to fa da sauranka. Shi yasa matasa masu wayo a cikinmu suke hawa
yanar gizo su shiga koyon ilimin yin aiyukan zamani iri-iri daga jami'o'i dake ƙasashe
dabandaban ta hanyar amfani da kwamfuyuta ko wayar hannunsu su kuma samu
shaidar kammala karatun. Amma kai fa?
7. Neman KuÉ—in
Shiga
Sai na ƙarshe
- Sana'o'i, aiyuka, ƙodago da ire-irensu da yawa da aka sani a da kuma ake amfani
da su wajen samun kuÉ—in
shiga duk sun soma sauyawa. Wasu sun kau sabbi sun wanzu. Aiki yanzu ba lallai
ba ne a ce kullum sai ka fita da safe ka dawo da yamma da sunan wai ka tafi
aiki ba. Namiji ko mace yanzu kowa zai iya yin aikinsa kai tsaye daga gida daga
É—akinsa.
Saboda samuwar fasahar sadarwa ta yanar gizo yanzu da yawa
ana samun aiki yi daga ko'ina a duniya ba sai É—an
ƙasa
ko jiha ko ɗan ƙaramar
hukumar mutum ba. A kuma biya mutum albashi a kowace rana, duk sati ko duk
wata. KuÉ—in kuma su
shigo asusun ma'aikacin ta sigar kashles! Ba kuma a nau'in Naira ba a'a da kuÉ—in kasashen waje wato dalar
Amurka $$$.
Abin yi kawai don samun tabbatar da kasancewar hakan shi ne
al'umarmu musamman matasanmu mazansu da matansu su san abubuwan da ake buƙata
don gudanar da wannan harkar wanda sanin makaman aiki yana daga ciki. Dole ne
mu tashi tsaye wajen wayewa da wayar da kan al'umarmu mu zurfafa bincike mu
nemi hanyar da ake bi a yi.
Shi ya sa yanzu sai ka ji ana tambayar "Wai me wane to
wacce suke yi ne? Kullum suna gida a É—akunansu
amma ba sa rabo da kuÉ—in
kashewa?" To ku sani ba fa y'an Yahoo Yahoo ba ne kuma ba 419 suke yi ba.
A'a wani sabon salon yin aiki ne da zamani ya zo da shi inda za kanyi amfani da
wayar hannunka e ita É—in
dai da da yawa suke shirmensu da ita.
Kun ga yanzu mutum zai iya kasancewa yana É—an Kano kuma mazaunin Kano
nan amma ya zama ma'aikacin Google, Amazon, Apple, Facebook da dai makamantansu
in har ya iya allonsa. Kuma ba ta ko'ina zai samu wannan matsayin ba illa ta
sanin yadda zai yi amfani da wayarsa da e-mail da e-payment da e-learning.
Muhimmiyar tambaya anan ita ce: Shin me kake yi da wayarka
in ka hau yanar gizo? In dai ba abubuwa bakwan nan da na lissafo kake yi da ita
ba to a gaskiya sharholiya kawai kake yi kuma 6ata lokacinka da asara kuÉ—in sayan data kawai kake
yi. E gayawa kowa ka ce inji ni Tijjani Muhammad Musa... 😆
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.