TAMBAYA (21)❓
Assalamu Alaikum warahamatullah mln muna gdy d
kokari da kukeyi Allah ya Saka d Alkhairi Tambayata kallan Finafinai fa duba d
yanzu mutane sun shagalta da kallace kallecan syris dinnan a wayoyi kullum sabo
akeyowa wani sai kaga yana kallan yakai kala goma alokaci daya Allah ya shiya
mana zuri'a
AMSA:
Waalaikumussalam. Warahmatullahi. Wabarakatuhum
Dangane da kallon series movies ya danganta da
wanne irin video ake kallo. An samu sabanin malamai gameda hukuncin kallo
fina-finai. Wasu malaman sunce ba haramun bane indai har babu wani abu da yake
nuna rashin tarbiyya ko kuma aikin zunubi kamar kallon fina-finan batsa
Wasu malaman kuma sukace haramunne tunda hakan zai
kai mutum ga fadawa tarkon shaidan musamman na idan mutum ya kalla da niyyar
sha'awa
A takaice dai hukuncin kallace-kallacen films a
addini yanada alaqa da hadisin:
: إنما الأعمال بالنيات
(Innamal a'amalu binniyyati)
Ibn Abbas, Ibn Mas'ud Ibn Umar, Abu Hurairah da
Nana Aisha (RTA) duk sun karbo hadisin
(Sahihul Bukhari Chapter 1 hadisi na 1 da kuma
Sahih Muslim Chapter 1 hadisi na 1907)
Idan video ne wanda ya shafi fadakarwa,
wa'azantarwa tareda ilimantarwa kamar irinsu YouTube channels: Karatuttukan
Malaman Sunnah, da kuma irinsu Rational Believer, One Path Network, Sense
Islam, One Islam Production, Towards Eternity, Qur'an and Islam, Allah And The
Cosmos, Ink Of Knowledge da dai sauran YouTube channels da suke dora videos
domin amfanuwar musulmai to wannan kam abune mai kyau kuma idan mutum yayi koyi
da ilimin zai samu lada
Amman idan ya zamana mutum bazai maida hankali
wajen kallon videos da zasu ilimantardashi akan addininsa ba to tabbas sai ka
tsinceshi a bangaren kallon fina-finan series wadanda bazasu anfana masa komai
ba anan duniyar ballantana a lahira
Mutane suna shagaltuwa da son zuciya suna taya
shaidan yin nasara akansu, zakaga mutum yana saka sama da N1,000 don kawai ya
kalli online series alhalin ga malaman addini can suna da'awa mutum ba tasu
yake ba, tareda cewar dukkan second daya na agogo abin tambayane a ranar lahira
haka kuma abin da mutum ya kalla, ya saurara kuma ya raya a zuciya to sai an
tambayeshi wannan abun kamar yanda Allah SWT ya fada a cikin al-Qur'ani mai
girma:
( وَلَا تَقْفُ مَا لَيْسَ لَكَ بِهِ عِلْمٌ ۚ إِنَّ السَّمْعَ وَالْبَصَرَ وَالْفُؤَادَ كُلُّ أُولَٰئِكَ كَانَ عَنْهُ مَسْئُولًا )
الإسراء (36) Al-Israa
Kuma kada ka bi abin da bã ka da ilmi game da shi.
Lalle ne jĩ da gani da zũciya, dukan waɗancan (mutum) yã kasance daga gare shi wanda ake
tambaya.
Haka kuma babu danasanin da mutum zaiyi ranar
lahira sama da na wanda ya karar da lokacinsa a sharholiyar duniya. Da ace masu
bata awanni suna kallon series zasu san falalar dake cikin ibada da sun daina
kallon gaba daya. Allah SWT ya ce:
( وَأَقِمِ الصَّلَاةَ طَرَفَيِ النَّهَارِ وَزُلَفًا مِّنَ اللَّيْلِ ۚ إِنَّ الْحَسَنَاتِ يُذْهِبْنَ السَّيِّئَاتِ ۚ ذَٰلِكَ ذِكْرَىٰ لِلذَّاكِرِينَ )
هود (114) Hud
Kuma ka tsai da salla a gẽfe guda biyu na yini da
wani yanki daga dare. Lalle ne ayyukan ƙwarai sunã kõre mũnãnan ayyuka. wancan ne tunãtarwa ga mãsu tunãwa.
Ba abin haushima sama da yanda zakiji matar aure
tana kafa hujja da wani dan film ko yar film zakiji ana "kamar dai abin da
jaruma wance tayi a film din..." A maimakon tace "kamardai yanda
matan sahabbai suka yi abu kaza da kaza suka rabauta fiddunya wal akhira"
Tasirin kallace-kallacen fina-finai ba a iya
kasarmu ya samu matsuguni ba, hatta gwamnatin kasar Saudi Arabia ma ta karkata
akalarta wajen ganin an kashe dollar miliyan dari biyu da talatin da hudu ($234
millions) don gina masana'antar wasan kwaikwayo (film industry), wanda a
karkashin Project 2030 da yarima Muhammad Bin Salman ya zartar, za a gina
gidajen kallo (cinema theaters) guda 350 da kuma Plasma (TV) guda 2,500 kamar
yanda ministan watsa labarai (Awwad al-Awwad) na kasar ta Saudiyya ya fada.
Wanda wannan ba karamin ci baya bane a yanda ake yiwa kasar kallon kasa mai
kima a idon duniyar musulunci. Wanda hakan zai tabbatar maka da cewar
shirye-shiryen yahudawa da nasara sun fara tasiri ga gwamnatin kasar
Yakamata mu dinga tsarkake zukatanmu da ambaton
Allah da yawaita Istighfari a kowanne lokaci domin inganta ranmu a maimakon
aikata abin da zai bata maka lokaci. Kamar yanda Allah SWT ya ce:
( قَدْ أَفْلَحَ مَن زَكَّاهَا )
الشمس (9) Ash-Shams
Lalle ne wanda ya tsarkake shi (rai) ya sãmi
babban rabo.
Muna roqon Allah ya rabamu da son zuciya ya
tabbatardamu akan bin tafarki madaidaici
Wallahu ta'ala a'alam
Amsawa:
Usman Danliti Mato (Usmannoor_As-salafy)
Zauren Fatawoyi Bisa Alkur'ani Da Sunnah. Ku
kasance Damu...
𝐓𝐄𝐋𝐄𝐆𝐑𝐀𝐌👇
https://t.me/TambayoyiDaAmsoshi
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.