1. Daren jiya baituka sun zo mani
Sun ce da alkalami ya ce sannunka.
2. ‘Da gun Aminatu dan Abdullahi ga
Goyon Halimatu, duniya ta san ka.
3. Dukkan mazaje sun gaza sai jinjina
Mata ko sun gaza haihuwar tamkarka.
4. Kai ne kadai aka ce mu bi ba tambaya
Taku-da-taku ne alamar sonka.
5. Sako da nauyi wa za a ba domin ya kai
Allah ya ce: kai ne kadai zan ba ka.
6. Sako na addini da babu kamarsa yau
Haske, da yado, kowa ya na san barka.
7. An tattaro duka annabawa, mursalai
An tambaya: shin kowane zai bi ka?
8. Amsarsu: tabbaci duk za mu bi
Haka sun ka ce, Allahu ne shaidanka.
9. Ka ida sakon, ka yada haske ba duhu
Mun shaida wannan, tabbatan mun dauka.
10. Dukkan tafarki ko yawan mabiyansa yau
Ce mar ‘bata, in ba shi kan sunnarka.
11. Dukkan ibada ko tulun adadinta kau
Banza ta ke, in zucci ba a son ka.
12. In an yi kuri: “Ai akida ta mu ce”,
Karya a ke, sai dai a ce kakanka.
13. Mun gode Allah wanda yash shiryar da mu
Hanya guda mikakkiyar nan taka.
14. Da ma ya sa Ranar Kiyama mui gamo-
Da-katar a ce mun sam rabon cetonka.
15. Ba mu kadai ba, duk muminina gaba daya
Ka hado mu duk sannan ka ce mana naka.
16. Kowa ya zo don shan ruwan Alkausara
Ba zai yu ba, sai gun hannun albarka.
17. Ka sa ni gabanka in kirari mai yawa
Karshe ka ce mini: ya Ali ga naka.
18. Tsira aminci da’iman mun roka maka
Kakan Hasan! Waye ya ce ya fi ka?
Dr. Aliyu U. Tilde
9 October 2022
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.