𝐓𝐀𝐌𝐁𝐀𝐘𝐀❓
Assalamu alaikum, Ina so a taimaka min da shawara
kuma da addu'oi da zan dunga yi. Mijina yanzu sai ya kwashi wata biyu bai kalli
inda nake ba, ina nufin bai bani hakkina na aure ba. Kuma lafiyan shi lau
bawata lallura ke damun shi ba. Har ya kaiga idan nayi mai magana sai yace wai
gajiya ke damunsa. Na rasa inda zan saka kaina, saboda abin na mutukar damuna.
Don Allah ina son wannan zauren mai albarka da ta taimakanin da abinda zanyi don
magance wannan matsalar. Nagode.
𝐀𝐌𝐒𝐀❗️
Wa'alaikum Salam... 'Yar uwa mun karanta wasikarki
acikin alhini da jimamin irin wannan yanayin da kike ciki..
Rashin samun hakkin ki na saduwar aure ba karamin
bala'i bane agareki. Domin kuwa zai iya jefa ki acikin Haɗarin Zina (Allah ya Ƙara tsareki).
Sannan kuma zai chutar da lafiyarki. Domin kuwa
duk lokacin da mace bata samun gamsuwa awajen Jima'i ko kuma ta rasa samun
jima'in ma kwata-kwata, to maniyyinta yakan zo ya taru ne acikin Mararta.
Sannan yakan haifar mata da wasu manyan matsaloli kamar ciwon mara, ciwon ciki
mai tsanani, zazzabi mai zafi alokacin al'ada etc. Harma wasu lokutan da
ciwukan da ba a san irinsu ba.
Muhimman shawarwarin da zan baki anan sune kamar
haka:
1. Da farko dai shi addinin nan namu na musulunci
bai bar komai ba sai da ya warware mana dalla-dalla. Hatta ire iren waɗannan matsaloli. Allah yana cewa acikin
Suratun-Nur aya ta 35:
وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِنْ أَهْلِهِ وَحَكَمًا مِنْ أَهْلِهَا إِنْ يُرِيدَا إِصْلَاحًا يُوَفِّقِ اللَّهُ بَيْنَهُمَا ۗ إِنَّ اللَّهَ كَانَ عَلِيمًا خَبِيرًا
"AMMA IDAN KUNA TSORON CUTARWA ATSAKANINSU
(MA'AURATA)TO KU TATTARO MASU HUKUNCI DAGA CIKIN DANGIN-SA (Shi mijin) DA KUMA
MASU HUKUNCI DAGA CIKIN DANGINTA (ita matar). IDAN SUKE NUFI (Acikin zukatansu)
TO ALLAH ZAIDAIDAITA TSAKANINSU"
Saboda haka kinga anan kina da damar ɗaukar matakin sanar da waliyyanki halin da
kike ciki. KAR KIJI KUNYA!! DOMIN KUWA ALLAH BA YA KEWAYE MA FAƊIN
GASKIYA.
Yanzu idan Shaiɗan ya rinjayeki akan wannan halin da kike
ciki, Kina jin mijin naki zai ji kunyar tallata ki aduniya??? (ke ma kin san ba
zai ji ba).
Don haka ki sanar da waliyyanki, su kuma su sanar
da waliyyansa cewar akwai wani zama da za'ayi. Idan sunzo sai akira shi maigidan
naki atambayeshi: Shin gaskiya ne abinda wance take fada?? Idan ya amsa
(watakil zai iya musantawa saboda kunya) sai a tambayeshi SHIN LAFIYARKA KALAU
KUWA?? Idan bashi da lafiya ne sai a jinkirta masa tsawon shekara 1 yaje ya
nemi magani. Idan ya warke shikenan. Idan kuma bai warke ba to ya halatta araba
auren.
Idan kuma lafiyarsa kalau to sai atambayeshi
dalilin da yasa yake yi miki haka.. Idan wani laifi kika yi masa, to sai abashi
hakuri. Idan kuma babu wani laifi, kawai Ƙaunarki ko sha'awarki ne ba ya yi, to sai abashi
Zaɓi nan take..
2. Ki cigaba da tsayawa akan tafarkin Ubangijinki
tare da cikakken tsoron Allah da biyayya agareshi. Ki sani Ubangijinki zai iya
jarrabarki da wannan bala'in domin ya gwada imaninki (ba wai don be sani ba).
Don haka ki kawar da kai daga duk wasu shawarwari
irin na mugayen Ƙawaye..
Da sauran waɗanda
ba zasu gaya miki alheri ba.
3. Ki dage da yawan ibada da nafilfilicikin dare.
Ki yawaita karanta Alƙur'ani
da yin tawassuli dashi domin neman yayewar wannan matsalar.
Kar ki manta da yawaita Salatun Nabiyyi ﷺ domin magani ne sadidan ga kowacce
damuwa.
Kar ki manta da addu'ar Annabi Yunus (as):
لاَّ إِلَـهَ إِلاَّ أَنتَ سُبْحَـنَكَ إِنِّى كُنتُ مِنَ الظَّـلِمِينَ
"LA ILAHA ILLA ANTA SUBHANAKA INNIY KUNTU
MINAZ ZALIMEEN"
(Annabi ﷺ yace maganin bakin ciki ce da damuwa. Kuma Allah
yana amsarta da gaggawa..
4. Ki kula da tsafta da kwalliya da duk wani
abinda zai ja hankalinsa. duk da dai watakila ko yana da wata matar ne bayan ke
wacce take debe masa kewa, amma ya kamata yayi adalci. Domin kuwa yin adalci
wajibi ne.
Mu maza ya kamata mu sanya Ƙarin jin tsoron Allah azuciyarmu. Domin
kuwa irin wannan ba karamin chutarwa bane. Ka samu mata mai tsoron Allah, kana
chutar da ita ahakkinta na auratayya, bayan kuwa Allah ya wajabta maka yin
adalci agareta. Idan ka san ba zaka iya ba, ai gara ka sawwake. Domin kuwa
Allah sai ya tambayeka akan kiwon da ya baka.
Allah ta'ala yasa mudace.
Zauren Fatawowi Bisa Alkur'ani Da Sunnah. Ku
kasance Damu...
𝐓𝐄𝐋𝐄𝐆𝐑𝐀𝐌👇
https://t.me/TambayoyiDaAmsoshi
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.