Idan mai bibiyar adabi da alaƙarsa da siyasa ya biye wa Rarara ba abin da zai faru gare shi sai ya ƙare da tamɓele bisa godabe!
A wannan sahar ta soshiyal midiya, yawancin ayyukan adabi da ke rayuwa da tafiya bisa tsari ba kamar na Dauda Kahutu Rarara. Ba kuma wani abu ke sa shi samun wannan tagomashi ba sai naƙaltar abubuwa da suka haɗa da!
1. Baiwar tsara da fitar da waƙa cikin ƙankanen lokaci.
2. Zaɓar kari mai jan hankali da nusarwa.
3. Bin ƙa'idojin waƙar baka da rubutatta, haɗe a waje guda.
4. Naƙaltar fasahar labartawa da bayyanawa a cikin zubin waƙa.
5. Iya hotantawa da zayyanawa da adon harshe irin na birni da na ƙauye
Shi ya sa ko ba ka ra'ayin dambarwar siyasarsa ko aƙidarsa ko yadda yake gudanar da lamurransa, a matsayin mutum mai nazari, za a ƙare ne da faɗa irin ta Malam da ya ji zaƙin kiɗa da murya a waƙa, yana cewa, ba dai a ce ba daɗi ba.....!
Malumfashi Ibrahim
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.