𝐓𝐀𝐌𝐁𝐀𝐘𝐀❓
Yayansa ne ya saka teburin snooker a ƙofar
gidansu kuma ya ce, shi ne zai riƙa kulawa da shi, ya riƙa tara kuɗin. Shi ne yake tambaya: Ko ya halatta ya
amince?
𝐀𝐌𝐒𝐀❗️
Wa Alaikumus Salaam Wa Rahmatul Laahi Wa
Barakaatuh.
Galibin wasannin zamanin yau an ƙirƙiro su
ne musamman domin su ɗauke
hankulan mutane, su mantar da su abubuwan da suka fi zama muhimmai a gare su a
cikin duniyarsu da makomarsu. Shagaltarwa kawai suke yi daga sallah da ambaton
Allaah da hana matashi zuwa wurin sana’a don neman dukiya ta halal. Ko kuma su
kai ga cin dukiyar mutane ba da haƙƙi ba, kamar ta hanyar caca da sauransu. A daidai
lokacin da manyan maƙiyan jama’ar duniya, waɗanda
suke ɗaure
wa irin waɗannan
wasannin gindi kuma suke tallata su a cikin matasa a faɗin duniya, suke can suna ta tsare-tsare da
ƙulle-ƙullen yadda za su mallaki jama’ar duniyar, har sai sun yi musu ɗaurin deman-minti sun saka su a cikin aljihu, ta
hanyoyin yaudara da makirci iri-iri.
Daga cikin wasannin da ni dai ban ga wani
amfaninsu ga jiki ko tunanin ko lafiyar mutum ba akwai snooker. Watau, wasan da
ake zuba ’yan ƙwallaye a kan tebur a riƙa zungurar su da wata
sanda, suna faɗawa a
cikin wani rami.
A fahimtata babu wani abu da ake samu daga wannan
a zahiri ta fuskar ƙara wa jiki ko wata gaɓa lafiya. Haka nan dai ban ga wani abu a
cikinsa mai janyo ƙarin kaifin gani ko basira ko tunani ba. Abin da
ke cikinsa kawai ɓata
lokaci ne, ɗaga
murya ne da ihu da hayaniya da sauran maganganun banza. Sai aukar da gaba da ƙiyayya
a tsakanin masu wasan da ’yan
kallo, da shagaltarwa daga yin sallah da ambaton Allaah, da kuma cin dukiyar
mutane da ɓarna
kamar ta hanyar caca da sauransu. Waɗannan kuwa duk haramtattun abubuwa ne a mahangar
addinin musulunci, wanda kuma kowa ya san haram ne.
Idan kuwa haka abin ya ke, to bai halatta musulmi
ya taimaka a kan hakan da dukiyarsa ko jikinsa ko lokacinsa ko ma shawararsa a
kan cigaba da wannan aikin ba. Wajibin kowane musulmi dai shi ne, ya rabu da
irin waɗannan
sana’o’in ya kama waɗanda
suka halatta, kamar kasuwanci ko noma ko kiwo na halal da sauransu.
Allaah Maɗaukakin Sarki ya ce:
... وَتَعَاوَنُوا عَلَى الْبِرِّ وَالتَّقْوَى، وَلَا تَعَاوَنُوا عَلَى الْإِثْمِ وَالْعُدْوَانِ، وَاتَّقُوا اللَّهَ، إِنَّ اللَّهَ شَدِيدُ الْعِقَاب ٢
Kuma ku taimaki juna a kan aikin alheri da ƙarin
taqawa (tsoron Allaah), kuma kar ku taimaki juna a kan zunubi da ƙetare
iyaka. Kuma ku ji tsoron Allaah. Haƙiƙa Allaah mai tsananin uƙuba
ne. (Surah Al-Maa’idah:
2).
Allaah ya datar da mu ga abin da yake so.
WALLAHU A'ALAM
Sheikh Muhammad Abdullaah Assalafiy
Zauren Fatawowi Bisa Alkur'ani Da Sunnah. Ku
kasance Damu...
𝐖𝐇𝐀𝐓𝐒𝐀𝐏𝐏👇
https://chat.whatsapp.com/DIcJIQrWyLP0oBOMSnDi5P
𝐓𝐄𝐋𝐄𝐆𝐑𝐀𝐌👇
https://t.me/TambayoyiDaAmsoshi
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.