Akwai masu gasgata kayan da babu
Su sa musu suna su ambaci gaibu
In wai ka ce babu to ka yi aibu
Hakika shirinsu akwai ta'ajibu
Zan wo bayaninsu don ku jiya.
La'alla ƙarancin sani shi ya sanya
Suke aika wannan rashin gaskiya
Koko dai sun bi son zuciya
Suna ta É“atar da mutan duniya
Dare du da rana zuwa safiya.
Shi ne nake so mu taru mu gane
Camfi da ƙage rashin ilimi ne
Tsafi su bori rashin hankali ne
Aminci da su kuwa hanyar É“ata ne
Da wauta da shirme da sharholiya.
Ku gane mutane fa ba wata Inna
Da ke shanye hannu, ƙafa, a ina?
Rashin lafiya ne kawai ku shina
Wajen likitoci akwai magana
Ku zan tambaya don sanin gaskiya
Sa'an nan ku gane fa babu fatalwa
Shirme kawai ne ku daina kulawa
Kar dai ku yadda da masu É“atarwa
Su maishe ku bol duk suna ta bugawa
Ga ku da ranku cikin duniya.
Wallahi tallahi babu Nakada
Kar ma ku ce za ku nem wata shaida
Matsafa kawai ne suke farfaganda
Su ja hankalinku zuwa kasada
Su sa ku a hanyar rashin gaskiya.
Sun ce a bori akwai alhaji
Ya jama'a duk kuna nan kuna ji
Sun yi dabara su É“ata haji
Wallahi tallahi du kar ku ji
Karya suke muku bakidaya.
Daga:
Zauren Makaɗa da Mawaƙa
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.